नक्सल समस्या उपर गृह मंत्रालय के मंथन, राजनाथ बोलिस- हमार तीर सार्टकट नइ हे

नई दिल्‍ली, नक्सल समस्या ल लेके बलाए गए समीक्षा बैठक म केंद्रीय गृह मंत्री राजनाथ सिंह हर कहिस, मोला विश्वास हावय कि पूरा ताकत अउ नवा रणनीति के संग हम नक्सली मन के सफलतापूर्वक सामना करेंबोन। दिल्ली म आज गृहमंत्री राजनाथ सिंह हर नक्सल प्रभावित दस राज्य मन के मुख्यमंत्री मन के संग एक माई बैठक करत हवंय। बैठक म नक्सल प्रभावित दस राज्य मन के मुख्यमंत्री मन के संग वो राज्‍य के मुख्य सचिव अउ डीजीपी घलोक सामिल हवंय।
खबर मिले हे कि बैठक म राजनांथ सिंह ह मुख्यमंत्री मन संग होए बैठक म कहिन, 'उकर निदान सिल्वर बुलेट ले संभव नइ हे, एखर खातिर लांग टर्म रणनीति बनाए के जरूरत हे। मोला विश्वास हावय कि पूरा ताकत अउ नवा रणनीति के संग हम नक्सली मन के सामना सफलतापूर्वक करबोन। वामपंथी कट्टरपंथ ले लड़े के मूलभूत नियम हावय कि उंखर वित्तीय संसाधन मन तक पहुंच ल रोक दे जाय।'
राजनाथ सिंह हर कहिस कि नक्सल समस्या के तुरत-फुरत हल नइ निकले जा सकय, एखर कोनो सार्टकट घलोक नइ हे, ए समस्या ल लघु-अवधि, मध्यम-अवधि अउ दीर्घकालिक समय के संग ही सुलझाये जा सकही। मोला विश्वास हावय कि विकास ल अवरूद्ध करे अउ बंदूक के नोक म लोकतंत्र के गला घोंटे के उदीम कभू सफल नइ होवय। आप मन जानतेच होहू कि बीते बीस बढर म माओवादी हिंसा के कारन अंदाजन 12,000 लोगन के जानें गे हे।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment