सामने वाले के बोलती बंद करे के दम के संग रखव अपन बात : संबित पात्रा






रायपुर, प्रवक्ता मन के दायित्व अड़बड़ चुनौतीपूर्ण अऊ जिम्मेदारी ले भरे होथे, जेखरे सेती आप मन जब गोठियावव त तर्क के संग बोलव अऊ अइसन बोलव कि आघू वाले के बोलती बंद हो जाय। भारतीय जनता पार्टी के प्रदेश प्रवक्ता मन ल अइसनहे अपन गुरू मंतर संबित पात्रा ह रईपुर म दीस। राजधानी मं भाजपा प्रवक्ता मन बर आयोजित कार्यशाला मं संघरे भाजपा के तेज-तर्रार प्रवक्ता संबित पात्रा हर कहिन कि वाद-विवाद मं जब जावव त अपन दिमाग ठंडा रखव अउ जीभ म ताव रखव, अपन बात ल पूरा दमदारी अऊ बिना डेराए कहव, बात अइसन कहव कि ओला कोनो काट न सकय। उमन बहुत अकन गांठ बांधे के बात कहत इहू कहिन कि पार्टी के पक्ष रखे या कोनो बयान देहे के पहिली ओखर अच्छा से जानकारी ले लव अऊ अपन जुबान के संग ही ड्रेस कोड म घलव विशेष ध्यान रखव। ये कार्यशाला मं भाजपा के प्रदेश अध्यक्ष धरमलाल कौशिक अऊ मंत्री प्रेम प्रकाश पांडेय विशेष रूप ले उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">




Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment