रायपुर पुलिस हर टपईया गिरोह के करिस पर्दाफाश, नागपुर ले दू झन महिला गिरफ्तार

रायपुर क्राइम ब्रांच के टीम हर अंतर्राज्यीय महिला उठाईगिरी गिरोह के दू महिला सदस्य मन ल गिरफ्तार करे हे। पुलिस हर दुनों महिला मन ल नागपुर ले गिरफ्तार करे हे। पुलिस हर आरोपी मन तीर ले 75 हजार रुपया अऊ सोना के चैन जब्त करे हे। ये उठाईगिरी म चतुरा महिला मन ऑटो रिक्शा मं बइठे यात्री मन ल शिकार बनावंय। गिरोह के सदस्य यात्री मन के रेकी करंय अऊ जऊन रिक्शा मं यात्री जावय ओमा बइठ के यात्री मन ल बेंझाल देवंय अउ यात्री के सामान ल टाप देवत रहिन।
जनवरी 2017 मं पुलिस ल शिकायत मिले रहिस कि शहर मं ऑटो मं अनचिन्‍हार महिला मन यात्री के समान ल टापत हें। जेखर बाद पुलिस ह एक टीम तैयार करिस। जांच मं पता चलिस कि नागपुर के कुछ महिला मन ये काम करत हें। पुलिस हर नागपुर मं उमन ल खोज के केशर बाई, शोभा पात्रे नाम के आरोपी महिला मन ल गिरफ्तार करिस।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment