मुख्यमंत्री सामिल होइन गोपातु के समाधान शिविर मं : अचानक पहुंचके गांव वाले मन ल दीन कई सौगात

सामरी मं खुलही बैंक शाखा: तहसीलदार करही दू दिन कैम्प
मिनी स्टेडियम के मंजूरी: सी.सी.रोड बर पांच लाख रूपया अऊ मंगल भवन बर दस लाख रूपया मंजूर







रायपुर, 01 मई 2017। मुख्यमंत्री डॉ. रमन सिंह के हेलीकॉप्टर आज प्रदेशव्यापी लोक सुराज अभियान के तहत बलराम-रामानुगंज जिला के कुसमी विकासखंड के सामरीपाठ के ग्राम गोपातु मं उतरिस। उहां समाधान शिविर के आयोजन करे गीस। मुख्यमंत्री हर शिविर स्थल म पहुंचके उहां चलत गतिविधि मन के जायजा लीन। मुख्यमंत्री सरगुजा संभाग के ए दूरस्थ अंचल मं गांव वाले मन के सुविधा बर बहुत अकन कार्य मन के मंजूरी प्रदान करिन।
डॉ. सिंह हर समाधान शिविर स्थल म लगाए गए कई ठन विभाग मन के स्टाल मन के भ्रमण घलोक करिन अऊ शिविर मं सामिल होए ल आए गांव वाले मन ले मुलाकात घलोक करिन। समाधान शिविर मं उमन आम जनता के मांग म सामरीपाठ मं बैंक के शाखा चालू करे बर राज्य सरकार के तरफ ले उचित पहल के आश्वासन दीन। गांव वाले मन के आग्रह म डॉ. सिंह हर ये घोषणा घलोक करिन कि सामरीपाठ मं तहसीलदार हफ्ता मं दो दिन कैम्प करही। मुख्यमंत्री हर गोपातु मं मिनी स्टेडियम के स्वीकृति के संग उहां सीमेंट कांक्रीट सड़क बर पांच लाख रूपया अऊ मंगल भवन निर्माण बर छह लाख रूपया के मंजूरी दीन। मुख्यमंत्री हर समाधान शिविर मं राजस्व विभाग, खाद्य, वन अऊ ऊर्जा विभाग के अधिकारि मन से लोक सुराज अभियान के समय प्राप्त आवेदन मन के अऊ उनखर उपर करे गए कार्रवाई के बारे मं विस्तार ले जानकारी लीन।
उमन तेन्दूपत्ता वितरण के बारे मं घलोक अधिकारि मन अऊ गांव वाले मन से पूछताछ करिन। डॉ. सिंह हर गांव वाले मन ल बताइन कि ए साल तेन्दूपत्ता संग्रहण पारिश्रमिक के दर पन्द्रह सौ रूपया ले बढ़ाके 1800 रूपए प्रतिमानक बोरा कर दे गए हेवे। मुख्यमंत्री हर समाधान शिविर मं लइका मन ल स्कूली बैग वितरित करिन। स्कूली बस्ता मन के व्यवस्था स्थानीय गांव वाले मन के जनसहयोग ले करे गए रहिस। ए अवसर म सामरी विधायक डॉ. प्रीतम राम, मुख्य सचिव श्री विवेक ढांड अऊ मुख्यमंत्री के सचिव श्री सुबोध कुमार सिंह घलोक उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment