ग्राम पंचायत मुसरकला ल राष्ट्रीय पंचायत सशक्तिकरण पुरस्कार : मुख्यमंत्री डॉ. रमन सिंह दीन बधाई

रायपुर 06 मई 2017। मुख्यमंत्री डॉ. रमन सिंह ह जिला मुख्यालय राजनांदगांव प्रवास के समय ग्राम पंचायत मुसराकला (विकासखण्ड-डोंगरगढ़) के सरपंच श्री कमल निर्मलकर अऊ उहां के पंच मन ल पंचायत सशक्तिकरण के राष्ट्रीय पुरस्कार ले सम्मानित होए बर बधाई अऊ शुभकामना दीन। ए ग्राम पंचायत ल पाछू महीना के 24 तारीक को राष्ट्रीय पंचायत दिवस के अवसर म लखनऊ मं आयोजित समारोह मं केन्द्रीय पंचायत मंत्री श्री नरेन्द्र सिंह तोमर हर पंडित दीनदयाल उपाध्याय पंचायत सशक्तिकरण पुरस्कार देहे रहिस हे। उत्तर प्रदेश के मुख्यमंत्री योगी आदित्यनाथ संग कई जनप्रतिनिधि उहां मौजूद रहिन। डॉ. रमन सिंह आज लोक सुराज अभियान के तहत राजनांदगांव पहुंचे रहिन, उहां ए ग्राम पंचायत के सरपंच अऊ पंच मन उंखर ले सौजन्य मुलाकात करिन अऊ ओ मन ल ये पुरस्कार सौंपिन। ए मौका म आवास अऊ पर्यावरण मंत्री अउ राजनांदगांव जिला के प्रभारी श्री राजेश मूणत, लोकसभा सांसद श्री अभिषेक सिंह, महापौर श्री मधुसूदन यादव, राज्य भण्डार गृह निगम अध्यक्ष श्री नीलू शर्मा, जिला सहकारी केन्द्रीय बैंक के अध्यक्ष श्री सचिन बघेल अऊ कई संस्था मन के पदाधिकारी उपस्थित रहिन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment