जम्‍मो सरकारी कार्यालय मन म शिकायत पंजी जरूरी: श्री बृजमोहन अग्रवाल


  • कृषि मंत्री हर जिला स्तरीय समीक्षा बैठक म पेयजल के पुख्ता इंतजाम करे दीन निर्देश


रायपुर, 19 मई 2017। कृषि मंत्री श्री बृजमोहन अग्रवाल हर कहिन कि जम्‍मो सरकारी कार्यालय मन म शिकायत पंजी अनिवार्य रूप से होना चाही। येमां आम जनता ले आए शिकायत मन के प्रविष्टि करे जाय, ताकि शिकायत मन के निराकरण म आसानी होवय। श्री अग्रवाल काल देर रात लोक सुराज अभियान के तहत बिलासपुर कलेक्टोरेट के सभाकक्ष म आयोजित लोक सुराज अभियान समीक्षा बैठक म जिला स्तरीय अधिकारी मन से ये बात कहिन। उमन जिला स्तरीय अधिकारी मन से कहिन कि ओ मन अपन अधिनस्थ विकासखंड स्तरीय कार्यालय मन म हर महिना बैठक लेके शिकायत मन के निराकरण के नियमित समीक्षा करव।
श्री अग्रवाल हर बैठक म कहिन कि भीषण गर्मी के ए मौसम म ग्रामीण क्षेत्र मन म पेयजल के समस्या नइ होनी चाही। एखर खातिर अधिकारी-कर्मचारी मन के टीम बनाके सतत निगरानी करे के जरूरत हावय। पेयजल व्यवस्था ले जुड़े विभागों के अधिकारी-कर्मचारी ल टीम म सामिल करे जाना चाही। श्री अग्रवाल हर लोक स्वास्थ्य यांत्रिकी विभाग ले नलजल योजना मन के संबंध म जानकारी लेहे के बाद कहिन कि बंद परे योजना मन ल 07 दिन के अंदर चालू करव अउ एखर रिपोट ओ मन ल देवव। उमन जिला म दीनदयाल उपाध्याय ग्रामीण विद्युतीकरण योजना, ग्राम ज्योति योजना अउ मुख्यमंत्री विद्युतीकरण योजना के विस्तार ले समीक्षा करिन। उमन कहिन कि विद्युत कनेक्शन ले संबंधित सब्बो आवेदन मन के निराकरण बर प्रयास करे जाय। एखर संगें-संग लो-वोल्टेज के समस्या ल दूर करे बर घलोक विशेष ध्यान दे जाय। किसान मन के सिंचाई पम्प ल विद्युत कनेक्शन देहे बर समयबद्ध कार्यक्रम बनाय जाय। समय म कनेक्शन मिले म ही किसान मन ल फायदा होही। श्री अग्रवाल हर सौर सुजला योजना के जानकारी देवत कहिन कि येमां डीसी पंप ही लगावव। एखर खातिर किसान मन के आवेदन अग्रेषित करत समय कृषि विभाग विशेष ध्यान रखय। उमन खाद्य विभाग के अधिकारी मन ल पात्र हितग्राही मन के नियमानुसार राशन कार्ड बनाए के निर्देश दीन। श्री अग्रवाल हर जिला के सिंचाई योजना मन म साल भर पानी के उपलब्धता सुनिश्चित करे बर तुरंत सर्वें करे ल कहिन अउ एखर लिए कार्ययोजना बनाए ल कहिन।
कृषि विभाग के समीक्षा के समय उमन किसान मन के मिट्टी परीक्षण, मिट्टी स्वास्थ्य कार्ड वितरण अउ खाद-बीज आपूर्ति के संबंध म जानकारी लीन। उमन अग्रिम म खाद-बीज उठाए बर किसान मन ल प्रोत्साहित करे म विशेष जोर देहे ल कहिन, ताकि किसान मन ल खेती-किसानी करे म कोनो प्रकार के परेशानी मत होवय। श्री अग्रवाल हर कृषि विभाग के अधिकारी मन से कहिन कि खेती-किसानी देश के मतलब व्यवस्था के आधार हावय। प्रधानमंत्री श्री नरेन्द्र मोदी ह साल 2022 तक किसान मन के आय दुगुना करे के लक्ष्य बनाय हावय। एखर बर सब्बो अधिकारी हर संभव किसान मन के मदद अउ ओ मन ल उन्नत तरीके ले खेती करे बर प्रोत्साहित करव।
बैठक म लोकसभा सांसद श्री लखनलाल साहू, इंदिरा गांधी कृषि विश्वविद्यालय के कार्यकारिणी सदस्य श्री द्वारिकेश पाण्डेय, कलेक्टर श्री अन्बलगन पी., पुलिस अधीक्षक श्री मयंक श्रीवास्तव संग कई ठन विभाग के जिला स्तरीय अधिकारी उपस्थित रहिन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment