शासन-प्रशासन के काम मन म नज़र बनाये रखयं कार्यकर्ता : बृजमोहन

रायपुर जिला भाजपा कार्यसमिति ल करिन संबोधित


"बृजमोहन अग्रवाल हर कार्यकर्ता मन ल कहिन कि जनता के प्रतिनिधि हमी भर नो हन, आपो मन हर आव। आपे मन के दम म हम जीतके आथन अऊ सरकार बनाथन।"

रायपुर, 11.05.2017। प्रदेश के कृषि अउ सिंचाई मंत्री बृजमोहन अग्रवाल हर कहिन कि सरकार के काम मन म भाजपा कार्यकर्ता मन के नजर बने रहना चाही। जनहित मं हमार कोति ले लेहे निर्णय म प्रशासन कइसन काम करत हे ये घलोक आप मन ल देखना चाही अऊ कहूँ कोनो कमी कमजोरी दिखय त अवगत करात रहना चाही। उमन कार्यकर्ता मन से कहिन कि जनता के प्रतिनिधि हमी भर नो हन, आपो मन हर आव। आपे मन के दम म हम जीतके आथन अऊ सरकार बनाथन। शासन-प्रशासन ल चुस्त-दुरुस्त बनाये रखना हम सब्बो के सामूहिक जिम्मेदारी हे। उमन ये बात रायपुर जिला भाजपा कार्यसमिति बैठक के समय अपन संबोधन मं कहिन।
बृजमोहन हर कहिन कि सरकार कोति ले चलाये जात योजना मन ल आज जन जन तक पहुंचाए के जरूरत हे ताकि हमर भारतीय जनता पार्टी के लोकहित के उद्देश्य पूरा हो सकय। हम राजनीति, जनता के दुख दरद दूर करे बर करत हन, जनता के सेवा करना ही हमर पार्टी के धरम हे।
उमन कहिन कि कमजोर आय वर्ग वाले बहिनी मन ल गैस सिलेंडर प्रदान करे, निराश्रित मन ल पेंशन देहे, मजदूर भाइ मन ल उपयोगी औजार, साइकल, सिलाई मशीन प्रदान करे, प्रधानमंत्री आवास योजना के तहत मकान प्रदान करे आदि योजना मन ल सरकार चलावत हे। जनता ए योजना मन के लाभ घलोक लेवत हे। योजना मन ले लाभन्वित होके अपन काम मन मं जुट के उज्जवल भविष्य बनावत बहुत अकन लोगन ल ये पता नई हे कि कोन पार्टी के सरकार हर ये काम शुरू करे हे। ओ मन ल बताना चाही के कमल फूल चुनाव चिन्ह वाले भाजपा के प्रदेश अउ देश के सरकार ए काम ल करत हे। ताकि कमल छाप ऊंखर मन मस्तिष्क मं रहय। ओ मन ल ये घलोक बताना जरूरी हे कि कई बछर ले उपेक्षित रहे कमजोर वर्ग के भला भारतीय जनता पार्टी के सरकार मं ही होथे। उमन कहिन कि कार्यकर्ता जिहां बइठयँ पार्टी के काम के चर्चा जरूर करव ताकि लोगन ल पता लग सकय।
ए अवसर म सांसद रमेश बैस, लोकनिर्माण मंत्री राजेश मूणत, विधायक श्रीचंद सुंदरानी, प्रदेश भाजपा संगठन महामंत्री पवन साय, जिला भाजपा अध्यक्ष राजीव अग्रवाल, प्रदेश उपाध्यक्ष सचिदानंद उपासने, मोतीलाल साहू, अल्पसंख्यक मोर्चा प्रदेश अध्यक्ष डॉ सलीम राज, आरडीए अध्यक्ष संजय श्रीवास्तव, कर्मकार मंडल के अध्यक्ष मोहन एंटी, आरडीए उपाध्यक्ष रमेश सिंह ठाकुर, पर्यटन मंडल के उपाध्यक्ष केदार गुप्ता, निगम सभापति प्रफुल्ल विश्वकर्मा, जयंती पटेल, योगी अग्रवाल, गोपी साहू, बजरंग खंडेलवाल, प्रभा दुबे, राजेश पांडे आदि उपस्थित रहिन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment