जन्मदिन म मुख्यमंत्री सहायता कोश मं 10 हजार 900 रूपए के अशंदान


मुख्यमंत्री ह करिन समाज सेवी श्री राजेश बेसरा के सराहना

रायपुर, 22 जून 2017, मुख्यमंत्री डॉ. रमन सिंह ले आज बिहनिया इहां ऊंखर निवास मं आयोजित जनदर्शन कार्यक्रम मं उत्कल एकता जनकल्याण संस्था रायपुर के अध्यक्ष श्री राजेश बेसरा ह सौजन्य मुलाकात करिन। उमन मुख्यमंत्री ल बताइन कि आज उंखर जन्मदिन हे। ए अवसर म ओ मन मुख्यमंत्री सहायता कोष मं 10 हजार 900 रूपए के धनराशि जरूरत मंद मन बर देना चाहत हें। उमन ए राशि के चेक मुख्यमंत्री ल सौंपिन। मुख्यमंत्री ह श्री बेसरा ल जन्मदिन के बधाई दीन। डॉ. सिंह हर श्री बेसरा के जरूरत मंद मन खातिर संवेदनशीलता अऊ जन्मदिन मनाए के ए अच्छा तरीका के सराहना करिन। मुख्यमंत्री हर मुख्यमंत्री सहायता कोष मं देहे गए योगदान बर श्री बेसरा ल धन्यवाद दीन। श्री बेसरा हर मुख्यमंत्री ल बताइन कि अपन पाछू तीन जन्मदिवस मन म घलोक ओ मन मुख्यमंत्री सहायता कोष मं सहायता राशि के अंशदान देहे हें। ए अवसर म उत्कल एकता जनकल्याण संस्था के सर्वश्री गोपाल देवांगन, युधिष्ठिर जगत, नेमराज बाग, पदुकुम्हार, वैष्णव सोनानी, कार्तिक बाग, राजेश बेहरा, भरोसेराम साहू, सुदामा सोना अऊ गर्जन बाग घलोक उपस्थित रहिन।  
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment