बांग्लादेश मं भूस्खलन ले मरइया के संख्या 137पहुंचिस

भाषा, ढाका, 14 जून 2017। बांग्लादेश मं भारत के सीमा ले लगे पहाड़ी जिला मं मॉनसून के भारी बरसा के बाद भूस्खलन मं मरइया के संख्या 137 पहुंच गए हे। एकरे संग राहत अउ बचाव कार्य मं तेजी लात आज फेर से बचाव अभियान शुरू करे गीस। अधिकारी मन ह बताइन कि दक्षिणपूर्वी चटगांव, बंदरबन अऊ रंगामाटी पहाड़ी जिला ए प्राकृतिक आपदा ले सबले जादा प्रभावित हे। उमन बताइन कि मृतक मन के संख्या बाढ़ सकत हे काबर कि अभी बड़ झन मनखे लापता हें। अधिकारी मन ह कुल 129 लोगन के मौत के पुस्टि करे हें फेर मीड़िया रिपोर्ट मन म मृतक संख्या 137 बताए जात हे। बंगाल के खाड़ी मं दबाव के क्षेत्र बने के कारन सोमवार ले ही तेज बरसा होवत हे अऊ ए कारन पाछू तीन दिन मं बहुत अकन जघा मन म भूस्खलन होय हे। आपदा प्रबंधन मंत्रालय के नियंत्रण कक्ष के एक अधिकारी हर बताइस कि अभी तक कम से कम 129 लोगन के मौत हो गए है अउ कई झन लापता हें, बचाव काम अभी चलत हे। उमन बताइन कि बेघर हो गए 4000 लोगन ल 18 सरकारी आश्रय स्थल मन म भेजे गए हे। बचाव कार्य मं लगे सेना के कई जवान घलोक मारे गए हें।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment