रोजा इफ्तार के बाद 175 मनखे के तबीयत खराब





[responsivevoice_button voice="Hindi Female" buttontext="ये खबर ला सुनव"]


भाषा, बहराइच, 06 जून 2017। उत्तर प्रदेश मं बहराइच जिला के हुजूरपुर क्षेत्र मं एक मदरसा मं होए रोजा इफ्तार मं दूषित चीज खाए ले 175 ले जादा रोजेदार गम्भीर रूप ले बीमार हो गीन।
पुलिस सूत्र हर आज इहां बताइस कि हुजूरपुर इलाका के हरवाटांड गांव के मदरसा मं इतवार को रोजा इफ्तार पार्टी आयोजित करे गए रहिस जेमां क्षेत्र के कइ सौ, लइका, बूढ़वा, जवान अउ महिला रोजेदार सामिल होए रहिन। सोमवार मंझनिया तक सब कुछ ठीक ठाक रहिस, फेर मंझनिया करीबन तीन बजे ले स्थानीय निजी क्लीनिक मन मं उल्टी, दस्त, पेट दर्द अउ बुखार ले पीड़ित मरीज आना शुरू होइन अऊ संझा होत..होत मरीज मन के हालत बिगड़े लगीस।
उमन बताइन कि मरीज मन के बिगड़त हालत देखके सरकारी एम्बुलेंस अऊ पुलिस आन निजी वाहन मन ले गंभीर रूप ले बीमार करीब 125 लोगन ल हुजूरपुर स्थित सामुदायिक स्वास्थ्य केन्द्र मं लाके भर्ती कराए गीस। मुख्य चिकित्साधिकारी के भेजे गए डाक्टर मन के टीम ह गांवेच मं शिविर लगाके दर्जनों मरीज मन के इलाज करिन। सोमवार देर रात तक मरीज मन के इलाज करे जात रहिस। फिलहाल जादातर मरीज सुरक्षित अपन अपन घर चल देहे हें। सूत्र मन हर बताए हें कि इफ्तार मं परोसे गए व्यंजन मन मं परूसाए सामान के जांच करके विषाक्तता के असल कारन मालूम करे जाही। फिलहाल पुलिस, स्वास्थ्य विभाग अउ खाद्य सुरक्षा विभाग के अधिकारी मामला के जांच मं जुट गए हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment