राजस्व अधिकारी मन के आवासीय प्रशिक्षण 19 जून ले

रायपुर, 13 जून 2017। राज्य सरकार कोति ले लेहे गए निर्णय के अनुसार राजस्व अधिकारी मन के आवासीय प्रत्यास्मरण प्रशिक्षण राजधानी रायपुर के नजदीक निमोरा स्थित छत्तीसगढ़ प्रशासनिक अकादमी म 19 जून ले अलग-अलग समूह मन म आयोजित करे जाही। येमां प्रदेश के सुकमा, बीजापुर, दंतेवाड़ा, नाराणपुर, बालोद, मुंगेली अउ बलरामपुर जिला म से एक-एक अउ शेष जिला मन से दू-दू राजस्व अधिकारी सामिल होहीं। प्रशिक्षण म तहसीलदार अउ नायब तहसीलदार स्तर के अधिकारी हिस्सा लेहीं। राजस्व अउ आपदा प्रबंधन विभाग ह मंत्रालय (महानदी भवन) ले प्रदेश के सबो कलेक्टर मन ल ए संबंध म पत्र जारी कर देहे हावय। शेष पांच बैच के प्रशिक्षण कार्यक्रम अलग से जारी करे जाही।
विभागीय अधिकारी मन बताइन कि पहिली पांच बैच के तिथि ये पकार ले हावय - पहिली बैच 19 जून ले 23 जून तक, दूसर बैच 27 जून ले 01 जुलाई तक, तीसर बैच 03 जुलाई ले 07 जुलाई तक चउंथा बैच 10 जुलाई ले 14 जुलाई तर, पांचवा बैच 17 जुलाई ले 21 जुलाई 2017 तक चलही । प्रशिक्षण के विषय मन म राजस्व न्यायालय मन के प्रक्रिया, नामांतरण, बंटवारा सीमांकन, कानूनगों, अवैध उत्खनन/पर्यावरण अधोसंरचना विकास उपकर के आरोपण, जाति निवास अउर आय प्रमाण पत्र, अभिलेख कोष्ट, भू-अर्जन ई-कोर्ट नक्सा अपडेशन आदि होही।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment