81 हजार क्विंटल ले जादा आयोडीन नमक आवंटित


  • राशन कार्ड धारक मन ल निःशुल्क वितरित करे जिला मन ल 81 हजार क्विंटल ले जादा आयोडीन नमक आवंटित 

रायपुर, 14 जून 2017। राज्य सरकार कोति ले सार्वजनिक वितरण प्रणाली के तहत प्रदेश के राशन कार्ड धारक मन ल चालू महिना जून मं निःशुल्क वितरित करे बर जिला मन ल 81 हजार 516 क्विंटल आयोडीन सहित नमक आवंटित करे गए हावे। ये आवंटन खाद्य, नागरिक आपूर्ति अऊ उपभोक्ता संरक्षण विभाग कोति ले प्रदेश के सबो 27 जिला मन ल दे गए हावे। आवंटन आदेश के अनुसार बिलासपुर जिला ल छह हजार 410 क्विंटल, जांजगीर-चांपा जिला ल चार हजार 500 क्विंटल, कोरबा जिला ल चार हजार 844 क्विंटल, मुंगेली जिला ल एक हजार 913 क्विंटल, रायगढ़ जिला ल पांच हजार 354 क्विंटल अऊ बालोद जिला ल एक हजार 889 क्विंटल नमक दे गीस हावे। बेमेतरा जिला ल एक हजार 934 क्विंटल, दुर्ग जिला ल दू हजार 959 क्विंटल, कबीरधाम जिला ल दू हजार 195 क्विंटल, राजनांदगांव जिला ल तीन हजार 549 क्विंटल, बलौदाबाजार-भाटापारा जिला ल तीन हजार 224 क्विंटल, धमतरी जिला ल दू हजार 050 क्विंटल, गरियाबंद जिला ल दू हजार 615 क्विंटल, महासमुंद जिला ल दू हजार 867 क्विंटल अऊ रायपुर जिला ल तीन हजार 254 क्विंटल नमक दे गए हावे। एही जइसन बलरामपुर-रामानुजगंज जिला ल तीन हजार 355 क्विंटल, जशपुर जिला ल तीन हजार 909 क्विंटल, कोरिया जिला ल दू हजार 840 क्विंटल, सरगुजा जिला ल चार हजार 379 क्विंटल, सूरजपुर जिला ल तीन हजार 843 क्विंटल, बस्तर जिला ल तीन हजार 615 क्विंटल, उत्तर बस्तर (कांकेर) जिला ल तीन हजार 095 क्विंटल, कोण्डागांव जिला ल दू हजार 466 क्विंटल, बीजापुर जिला ल एक हजार 048 क्विंटल, सुकमा जिला ल एक हजार 502 क्विंटल, दक्षिण बस्तर (दंतेवाड़ा) जिला ल एक हजार 393 क्विंटल अऊ नारायणपुर जिला ल 516 क्विंटल नमक आवंटित करे गए हावे।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment