प्रदेश के 81 मिडिल स्कूल मन ल मिलीस हाई स्कूल के दरजा

रायपुर, 23 जून 2017, राज्य शासन कोति ले वित्तीय साल 2017-18 म प्रदेश के 81 शासकीय पूर्व माध्यमिक शाला मन  (मिडिल स्कूल मन)  ल हाईस्कूल के दर्जा देहे गीस। ए स्कूल मन बर एक हजार 134 पद मन के घलोक स्वीकृति देहे गए हावय। ए आशय के आदेश इहां मंत्रालय (महानदी भवन) ले  स्कूल शिक्षा विभाग ह जारी कर देहे हे। एमा से एक स्कूल बर प्राचार्य के एक पद संग व्याख्याता/व्याख्याता (पंचायत) के छै पद, लेखापाल/सहायक ग्रेड-2 के एक पद, सहायक शिक्षक/ सहायक शिक्षक (पंचायत) के एक पद, सहायक ग्रेड-3 के एक पद, भृत्य नियमित दू पद, चौकीदार (आकस्मिक स्थापना) के एक पद अउ स्वच्छक (अंशकालीन) के एक पद के  स्वीकृति मिले हावय। ए स्कूल मन म धमतरी जिला के दू स्कूल, बेमेतरा जिला के पांच स्कूल, बलौदाबाजार-भाटापारा जिला के 14 स्कूल, कबीरधाम जिला के चार स्कूल, रायपुर, महासमुन्द अउ कबीरधाम जिला के सरलग आठ-आठ स्कूल, बिलासपुर जिला के चार स्कूल अउ रायगढ़ जिला के पांच स्कूल सामिल हावय। इही प्रकार राजनांदगांव जिला के नौ स्कूल, दुर्ग अउ जांजगीर-चांपा जिला के सरलग छै-छै स्कूल अउ गरियाबंद अउर जशपुर जिला के एक-एक स्कूल सामिल हावय।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment