लिंगियाडीह म किशोरी सम्मेलन के आयोजन

बिलासपुर, शासकीय हाई स्कूल लिंगियाडीह मं  किशोरी सम्मेलन के आयोजन करे गीस। कार्यक्रम प्रभारी रश्मि गुप्ता ह बताइस कि स्वच्छ भारत मिशन (ग्रामीण) के तहत हाई स्कूल मन म व्यक्तिगत घरेलू शौचालय निर्माण के तकनीकी पहलू स्वच्छता अउ खुला मं शौचमुक्त विसय मं किशोरी सम्मेलन मं बालिका मन ल किशोरी स्वास्थ्य /स्वच्छता/घरेलू शौचालय उपयोग/ पोषण आहार अउ हाथ धोएे के तरीका के जानकारी संस्था मं अध्ययनरत छात्रा मन ल दे बर अपोलो हॉस्पिटल के चिकित्सक डा. श्रीमती कविता बब्बर, सुश्री भारती सिंह, सुश्री जसिका, शाहिद नवाज के संग बहुत ही रोचक अउ सरल ढंग ले महत्वपूर्ण जानकारी देहे गीस। एखर ले पहिली संस्था के प्राचार्य श्रीमती गायत्री तिवारी के निर्देशन मं स्वच्छता रैली निकालके गांववाले मन मे जागरूकता लाय के प्रयास करे गीस। प्राचार्य गायत्री तिवारी हर घलोक जमो छात्रा मन ल स्वच्छता अउ पोषण आहार के बारे मं जरूरी जानकारी दीन। ए अवसर म छात्रा मन के संग स्वच्छता अउ स्वास्थ्य के ऊपर रश्मि गुप्ता के संग रचित छत्तीसगढ़ी छंद कुण्डलिया के सुमधुर प्रस्तुति देहे गीस। कार्यक्रम मं संस्था के व्यख्याता मंजू सिंह, एच के मिंज, राजेन्द्र चतुर्वेदी, अनामिका तिवारी, रश्मि गुप्ता, सरला दुबे, लीना कौशिक, प्रतिभा श्रीवास्तव,  रंजना तिवारी, अनुपमा शर्मा, दिनेश मिश्रा अउर राघवेंद्र भोई, बीना डे, आशीष पाण्डेय आदि उपस्थित रहिन।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment