रथ यात्रा राष्ट्रीय एकता अऊ सामाजिक समरसता के चिनहा: डॉ. रमन सिंह

मुख्यमंत्री ह जनता ल दीन रथ यात्रा के महापर्व के हार्दिक बधाई
रायपुर, 24 जून 2017, छत्तीसगढ़ के मुख्यमंत्री डॉ. रमन सिंह ह जनता ल आषाढ़ शुक्ल द्वितीया के अवसर म देशभर म मनाए जाय वाले रथयात्रा के महापर्व के हार्दिक बधाई अऊ शुभकामना देहे हें। डॉ. सिंह ह आज इहां जारी बधाई संदेश म कहिन हे कि पूर्वी भारत म ओड़िशा के समुद्र तट म पवित्र पुरीधाम म विराजमान भगवान जगन्नाथ के ये रथयात्रा हमर महान भारतीय संस्कृति म राष्ट्रीय एकता अऊ सामाजिक समरसता के चिनहा हे। ओड़िशा राज्य के निकटतम पड़ोसी होए के कारण छत्तीसगढ़ के सीमावर्ती इलाका मन म उत्कल संस्कृति के काफी गहरा असर देखे जाथे। डॉ. सिंह ह कहिन - छत्तीसगढ़ के शहर मन अऊ गांव मन म घलोक रथ यात्रा के पवित्र त्यौहार अड़बड़ उछाह के संग मनाए जाथे। उमन हिन- इतिहासकार मन के अनुसार छत्तीसगढ़ के जगदलपुर (बस्तर) म रथयात्रा के 600 साल ले घलोक कुछ जादा जुन्ना परम्परा हे, उन्‍हें राजधानी रायपुर म भगवान जगन्नाथ के रथयात्रा पाछू 500 बरिस ले निकाले जात हे। मुख्यमंत्री ह ए अवसर म भगवान जगन्नाथ ले छत्तीसगढ़ अऊ ओड़िशा संग पूरा राष्ट्र अऊ पूरा विश्व के सुख-समृद्धि बर आशीर्वाद के कामना करे हे। डॉ. सिंह ह भगवान जगन्नाथ, भ्राता बलभद्र अऊ बहनि सुभद्रा ले देश म ए साल मानसून के समय अच्छा बरसा बर घलोक आशीर्वाद मांगे हें।


Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment