ट्रंप अउ मोदी के पहली मुलाकात के हवय अमेरिका ल अगोरा

वाशिंगटन, 23 जून (भाषा) प्रधानमंत्री नरेंद्र मोदी अउ अमेरिकी राष्ट्रपति डोनाल्ड ट्रंप के बीच अवइया हफ्ता होवइया मुलाकात ले पहिली ट्रंप प्रशासन हर कहे हावय कि अमेरिका भारत के संग संबंध मन ल मजबूत बनाए ल लेके आशान्वित हावय।
अमेरिकी विदेश विभाग के प्रवक्ता हीथर नॉर्ट ह संवाददाता मन ले कहिन, ''हम अमेरिका अउ भारत के बीच संबंध मन ल मजबूत बनाए ल लेके आशान्वित हावन।'' उमन कहिन, ''हमार बीच आपसी सहयोग के कई क्षेत्र हावय, आतंकवाद ले मुकाबला हावय, दुनों देश मन के लोगन के बीच के संबंध मजबूत हावय, ए खातिर हम ए दौरा ल लेके उत्सुक हावंन।'' मोदी अउ ट्रंप सोमवार के दिन व्हाइट हाउस म मिलइया हावंय। दुनों नेता मन के ये पहली मुलाकात होही।
पाछू साल नवंबर म ट्रंप के अमेरिका के राष्ट्रपति बने के बाद दुनों नेता मन ह फोन म बात करे रहिन। उत्‍तर प्रदेश विधानसभा चुनाव म भाजपा के जीत के बाद घलोक ट्रंप हर मोदी ल फोन करके बधाई देहे रहिस।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment