एड्स नियंत्रण अउ रक्त संचरण समिति के बैठक

रायपुर, 12 जून 2017। स्वास्थ्य अउ परिवार कल्याण मंत्री श्री अजय चन्द्राकर ह आज इहां अपन निवास कार्यालय म छत्तीसगढ़ राज्य एड्स नियंत्रण समिति अउ राज्य रक्त संचरण परिषद् प्रबंधकारिणी के बैठक लीन। बैठक म अधिकारी मन ह बताइन कि प्रदेश म एकीकृत परामर्श अउ जांच केन्द्र के संख्या 100 ले बढ़के 125 के गए हावय। फंक्शनल एकीकृत परामर्श अउ जाचं केन्द्र के संख्या 235 ले बढ़के 640, यौन जनित रोग परामर्श अउ जांच केंद्र 16 ले बढ़के 30 अउ ब्लड बैंक 16 ले बढ़के 23 हो गए हावय। ए केन्द्र मन के माध्यम ले प्रदेश के चार लाख गर्भवती महिला मन के एच.आई.वी एड्स परामर्श अउ जांच करे गए हे।
स्वास्थ्य मंत्री हर कहिन कि स्वास्थ्य सेवा मन ल सुदृढ़ बनाए खातिर समिति मन के खाली पद मन ल जल्‍दी भरे जाय। उमन कहिन कि समिति मन के गठन मेडिकल कांउसिल ऑफ इण्डिया अउ छत्तीसगढ़ मेडिकल बोर्ड के नियम के अनुसार होना चाही। समिति मन म सदस्य मन के चयन म संबंधित क्षेत्र म काम करइया मनखे मन ल प्राथमिकता देहे जाय। श्री चन्द्राकर हर प्रदेश म एड्स रोग के रोकथाम बर जादा जांच केन्द्र अउ जरूरी दवाई मन के उपलब्धता सुनिश्चित करे उपर जोर दीन। श्री चन्द्राकर हर रक्त संचरण परिषत के प्रबंधकारिणी समिति के उपलब्धि के घलोक जानकारी लीन अउ रक्त दान के खातिर लोगन म जागरूकता लाय बर स्‍वयं सेवी संगठन मन के सहयोग लेहे म बल दीन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment