प्रदेश के सबो जिला मन म गठित होही क्रीड़ा विकास समिति

सबो खेल गतिविधि मन होही ऑनलाइन
श्री बोरा ह करिस विभागीय काम-काज के समीक्षा

रायपुर, 24 जून 2017, खेल अउ युवा कल्याण विभाग के सचिव श्री सोनमणि बोरा ह आज इहां मंत्रालय (महानदी भवन) म खेल विभाग के जिला अऊ राज्य स्तरीय अधिकारी मन के बैठक म विभागीय काम-काज के समीक्षा करिन। बैठक म श्री बोरा ह कहिन कि प्रदेश के सबो जिला मन म जिला क्रीड़ा विकास समिति के गठन करे जाही। क्रीड़ा समिति के माध्यम ले खेल अद्योसंरचना मन म मेला-मड़ई आदि जइसे कार्यक्रम मन के आयोजन उपर सबसे कम उपयोग शुल्क ले जाही। ए अद्योसंरचना मन ले प्राप्त राशि ले मिनी स्टेडियम खेल मैदान मन के रख-रखाव, मरम्मत अऊ सुरक्षा करे उपर खर्च करे जाही। श्री बोरा ह कहिन कि खेल संचालनालय के वेबसाईड बनाए गए हे। जेमां सबो खेल गतिविधि मन, खेल अद्योसंरचना आदि के जानकारी ल अपलोड करे जाही। खेल गतिविधि मन के सबो जानकारी वेबसाइड म प्राप्त करे जा सकत हे। उमन जिला अधिकारी मन ले कहिन कि सबो काम पारदर्शिता पूर्वक करव अऊ जानकारी मन के आदान-प्रदान करे म ई-मेल, एसएमएस अऊ वाट्सऐप के उपयोग करे जाना चाही। श्री बोरा ह कहिन कि जिला के कई ठन खेल मन के प्रतिभावान खिलाड़ी मन के चयन करव अऊ ओखर सूची संचालनालय ल जमा करावव। श्री बोरा ह बताइस कि नवा खेल नीति बनाय जात हे जेमां उत्कृष्ट खिलाड़ी मन ल प्रोत्साहित करे के प्रावधान करे जाही। उमन संचालनालय के अधिकारी मन ले सात दिन के भीतर प्रोत्साहन नियम अऊ युवा शक्ति योजना नियम बनाके प्रस्तुत करे के निर्देश दीन। श्री बोरा ह प्रदेश म वित्तीय साल 2016-17 म स्वीकृत मिनी स्टेडियम निर्माण काम के प्रगति के समीक्षा करिन। हर एक मिनी स्टेडियम बर 45 लाख रूपिया स्वीकृत किये गए हे। श्री बोरा ह कहिन कि जऊन जिला मन म मिनी स्टेडियम निर्माण काम शुरू नइ हो पाये हे उन जिला मन म 15 दिन के भीतर काम शुरू नइ होए म संबंधित अधिकारी के वेतन रोके के कार्रवाई करे जाही। उमन कहिन कि सबो खेल अद्योसंरचना मन म दिव्यांगजन मन बर रेम्प के निर्माण अनिवार्य रूप ले करे जाए।
श्री बोरा ह लोक सुराज अभियान के समय मुख्यमंत्री डॉ. रमन सिंह के घोषना मन उपर तुरंत कार्रवाही करे के निर्देश दीन। बैठक म जानकारी दे गइस कि लोक सुराज अभियान के समय कुल 557 आवेदन प्राप्त होए रहिय जेमा ले 544 आवेदन मन के निराकरण कर दे गीस हे अऊ बांचे 13 आवेदन उपर निराकरण के कार्रवाई करे जात हे। बैठक म खेल संचालक श्री अविनाश चम्पावत अउ प्रदेश के सबो जिला स्तर के अधिकारी उपस्थित रहिन।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment