जीएसटी म टीडीएस के प्रावधान अभी लागू नइ होवय


  • शासकीय विभाग मन ल टीडीएस कटौती बर पंजीयन कराना जरूरी : पंजीयन 20 जुलाई ले शुरू होही 

 
रायपुर, 29 जून 2017। राज्य सरकार के वाणिज्यि कर विभाग ह स्पष्ट करे हे कि वस्‍तु अउ सेवा कर एक जुलाई 2017 ले लागू होवत हे, फेर ए अधिनियम के टीडीएस के प्रावधान ल अभी लागू नइ करे जात हे। संभागीय उपायुक्त वाणिज्यिक कर (रायपुर संभाग-1) ले आज इहां मिले जानकारी के अनुसार टीडीएस कटौती बर सरकारी विभाग मन बर ये वाले व्यवस्था करे गए हे कि कहूं वस्तु/सेवा के आपूर्ति के भुगतान ढाई लाख रूपिया प्रति कान्टेक्ट ले जादा होही, तो विभाग मन ल एक प्रतिशत सीजीएसटी या एक प्रतिशत एसजीएसटी के दर ले टीडीएस काटना होही, फेर अभी हाल म जीएसटी के अंतर्गत ये वाले प्रावधान लागू नइ करे गए हे। एखर सेती जीएसटी के अंतर्गत टीडीएस के प्रावधान लागू होए तक एक प्रतिशत सीजीएसटी या एक प्रतिशत एसजीएसटी के दर ले टीडीएस के कटौती नइ करना हे। ए प्रावधान के लागू होए के तारीक के घोषणा बाद म करे जाही।
अधिकारी मन ह बताइन कि शासकीय विभाग मन ल टीडीएस के कटौती बर पंजीयन जरूरी हे। टीडीएस पंजीयन कराए के प्रक्रिया 20 जुलाई 2017 ले शुरू होवत हे। ये सुविधा जीएसटी नेटवर्क म देहे ल लागही। शासकीय विभाग मन से वेबसाईट www.gst.gov.in म लॉग आन करके घलोक पंजीयन करे जा सकत हे। एखर ले अकतहा हर एक जिला म वाणिज्यिक कर विभाग ले जीएसटी सेवा केन्द्र स्थापित करे गए हे। शासकीय विभाग मन के प्रतिनिधि ए सेवा केन्द्र मन म उपस्थित होके या दूरभाष के माध्यम ले अपन समस्या मन के निराकरण कर सकत हे।

Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment