मुस्लिम आबादी जादा होए के बावजूद भारत मं नाकाम रहिस आईएसआईएस : राजनाथ






भाषा, नयी दिल्ली, 04 जून 2017। गृहमंत्री राजनाथ सिंह हर काल इहां कहिस कि दुनिया मं सबले जादा मुस्लिम आबादी भारत मं हे फेर आईएसआईएस देश मं पांव नइ जमा सकीस।
नरेंद्र मोदी सरकार के तीन साल पूरा होए के मौका म सिंह अपन मंत्रालय के रिपोट कार्ड देवत रहिस। ए मौका म एक संवाददाता सम्मेलन मं उमन कहिन, ‘‘हमन पूरा जिम्मेदारी ले देश ल सुरक्षा मुहैया करवाए के पूरा-पूरा कोसिस करबोन।’’ उमन बतायइन कि देशभर ले आईएसआईएस बर सहानुभूति रखइया 90 मनखे ल गिरफ्तार करे गए हे। उमन बताइन कि आतंकी संगठन मन के सूची मं आईएसआईएस अऊ अंसार उल अम्माह ल सामिल करे गए हे। सिंह के मुताबिक साल 2011-2014 तक संप्रग सरकार के कार्यकाल के मुकाबला साल 2014 ले 2017 तक नक्सली हमला मं 25 फीसदी के कमी आए हावे। उमन कहिन कि संप्रग सरकार के आखरी तीन बछर के तुलना मं राजग सरकार के तीन साल मं नक्सली हमला मं होवइया मौत मन मं 42 फीसदी के कमी देखे गए हे।
गृहमंत्री हर कहिस कि पाछू साल सितंबर महिना मं नियंत्रण लकीर पार करे लक्षित हमला के बाद के छै महीना मं पाकिस्तान के तरफ ले घुसपैठ के उदीम मं बीते साल एही बेरा के तुलना मं 45 फीसदी के कमी आए हे। राजनाथ सिंह हर कहिस कि सरकार पाकिस्तान प्रायोजित आतंकवाद ल खतम करही अऊ जम्मू-कश्मीर मं शांति सुनिश्चित करही।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment