कृषि मंत्री श्री अग्रवाल ह करिस सीडलिंग प्लांट के अचानचकरित जांच

निर्धारित क्षमता के अनुरूप पौधा तइयार करे के निर्देश अधिकारी मन ल दीन
रायपुर, 22 जून 2017, कृषि मंत्री श्री बृजमोहन अग्रवाल ह बिलासपुर के कोनी म उद्यानिकी विभाग कोति ले संचालित सीडलिंग प्लांट के अचानचकरित जांच करिन। उमन साग-भाजी मन के खेती कररइया किसान मन के व्यापक हित म सीडलिंग प्लांट के क्षमता के अनुरूप हर साल एक करोड़ पौधा तइयार करे खातिर जमो व्यवस्था करे के निर्देश संबंधित अधिकारी मन ल दीन। उमन प्लांट के रख-रखाव बर अउ जादा ध्यान देहे बर घलव अधिकारी मन ल निर्देशित करिन।
अधिकारी मन बताइन कि अभी कोनी सीडलिंग प्लांट म हर साल 24 लाख पौधा तइयार करे जात हे। कृषि मंत्री ह ये स्थिति उपर असंतोष व्यक्त करत कहिन कि हर साल साग-सब्‍जी के एक करोड़ पौधा तैयार करे के क्षमता निर्धारित करके प्लांट तइयार करे गए हे, फेर अभी तक ये क्षमता के अनुरूप पौधा तैयार नइ होवत हे। एकर से किसान मन के नुकसान होवत हे। श्री अग्रवाल ह एकर बर प्लांट म जरूरी सुधार कार्य तत्काल कराए के निर्देश दीन। कृषि मंत्री ह प्लांट म तइयार पौधा मन के रख-रखाव के हालत उपर नाराजगी जताइन।
कृषि मंत्री ह कोनी म छत्तीसगढ़ कामधेनु विश्वविद्यालय कोति ले संचालित वेटनरी कॉलेज के नवा भवन बर स्थल निरीक्षण करिन। उमन बताइन कि नवा भवन के निर्माण दू-तीन महीना म शुरू हो जाही। श्री अग्रवाल ह कोनी म पशुपालन विभाग के फार्म हाउस म पशुपालन अउ कुक्कुटपालन के व्यवस्था मन के घलव जायजा लीन।  
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment