शाह के प्रेस वार्ता : चौउथईया पइत बनाबोन सरकार

रइपुर, 10 जून 2017। भाजपा अध्यक्ष अमित शाह ह आज कहिस कि छत्तीसगढ़ मं रमन सरकार ह अड़बड़ बढ़िया काम करत हे, अवइया विधानसभा चुनाव म एकर फायदा भाजपा ल मिलही अउ भाजपा ह फेर सरकार बनाही। उमन यहु कहिन कि 2018 के विधानसभा चुनाव मं भाजपा ह 65 ले जादा सीट जितही।
अमित शाह के तीन दिन के छत्तीसगढ़ दौरा म आज उमन प्रेस वार्ता म मीडिया संग गोठ-बात करिन। उमन कहिन कि हम सरकार के काम ल जनता के बीच लेके जाबोन अऊ चौथईया पइत छत्तीसगढ़ मं भाजपा के सरकार बनाबोन।
छत्तीसगढ़ सरकार ल पहिली ले जादा बजट देहे के बात करत अमित शाह ह मनमोहन सरकार के समय के जीडीपी अउ मोदी सरकार के तुलना करत बताइन कि हम भारत ल दुनिया के सबसे तेज़ गति ले विकास करत राष्ट्र बनाय हन। उमन किसान आंदोलन ऊपर बात करत कहिन कि मध्यप्रदेश मं कांग्रेस विधायक मन लोगन मन ल भड़काइन जउन निंदनीय हे।
उमन उत्तर प्रदेश के चुनाव के गोठ करत कहिन कि ये चुनाव ह साबित कर दीस कि जातिवाद, क्षेत्रवाद के राजनीति अब नइ चलय। अब देश म पॉलिटिक्स ऑफ परफॉरमेंस के राजनीति चलही। उमन मुद्रा बैंक, जीएसटी, वन रैंक वन पेंसन, स्पेस म तरक्की, गांव मं मन म बिजली के बारे म भाजपा सरकार के उपलब्धी गिनाईन।
https://twitter.com/BJP4India/status/873446366650916864
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment