मुख्यमंत्री सामिल होइन ईद मिलन म मनखे मन ल दीन ईद के बधाई

रायपुर, 26 जून 2017। मुख्यमंत्री डॉ. रमन सिंह आज संझा इहां मौदहापारा स्थित छत्तीसगढ़ राज्य वक्फ कमेटी के अध्यक्ष हाजी श्री सलीम अशरर्फी के निवास म आयोजित ईद-मिलन म सामिल होइन। उमन हाजी श्री अशरर्फी संग सबो मनखे मन ल ईद के बधाई अऊ शुभकामना दीन। ए अवसर म छत्तीसगढ़ विधानसभा के पहिली अध्यक्ष श्री धरमलाल कौशिक, विधायक श्री श्रीचंद सुन्दरानी अऊ छत्तीसगढ़ राज्य अक्षय ऊर्जा विकास अभिकरण के अध्यक्ष श्री पुरन्दर मिश्रा घलोक उपस्थित रहिन। मुख्यमंत्री के ईद मिलन म पहुंचे म प्रदेश के उलमा एकराम, मुफ्तीया एकराम, मस्जिद मन के ईमाम, दानिश्वराने कौम, प्रदेश के कई ठन संस्था के प्रतिनिधि मन ह उंखर हार्दिक स्वागत करिन। ऐजुकेशन सोसायटी के चेयरमेन मौलाना हामिद अली, मौलाना अली फारूखी, मौलाना मंसूर आलम, श्री अशरफी, अशरफुल औलिया मस्जिद मौदहापारा के इमाम हाफिज महफूज आलम अशरफी, मदरसा अरबिया गौशिया गरीब नवाज रायपुर के मौलाना अब्दुल रजाक अशरफी, मदरसा मदिनतुल उलूम दुर्ग के मौलाना शहाबुद्दीन संग मस्जिद मन के मुतवल्ली, मुस्लिम संस्था मन के प्रतिनिधि अऊ मुस्लिम समाज के सदस्य बड़ संख्या म ए अवसर म उपस्थित रहिन।



Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment