किसान मन के हित मं आलू.प्याज के एमएसपी तय करय मोदी सरकार : कांग्रेस






भाषा, इंदौर, 03 जून 2017। मध्यप्रदेश मं किसान मन के पाछू तीन दिन ले जारी आंदोलन के समर्थन करत कांग्रेस ह नरेंद्र मोदी के अगुवाई वाले केंद्र सरकार ले आज मांग करिस कि वो आलू अऊ प्याज समेत सबो माई फसल मन के समर्थन मूल्य तय करय।
प्रदेश कांग्रेस प्रवक्ता जेपी धनोपिया हर इहां संवाददाता मन से कहिस, ‘हम सूबे के आंदोलनरत किसान मन के संग हावन। मोदी सरकार ल किसान मन के हित मं आलू, प्याज, टमाटर अऊ आन माई फसल मन के एमएसपी तय करना चाही। हम पहिलीच ले सरकार से ये मांग करत हन। फेर सरकार किसान मन के हितैषी होए के सिरिफ दिखावा करथे।’ उमन आरोप लगाइन कि मोदी सरकार के तीन साल के कार्यकाल मं कृषि क्षेत्र के संकट बढ़े हे अऊ किसान सरलग आत्महत्या करत हे। धनोपिया हर मोदी सरकार ल ‘जुमलों के सरकार’ बतात कहिन कि ओखर राज मं पाकिस्तान से सीमा म संघर्ष विराम के उल्लंघन, आतंकवाद अऊ नक्सलवाद ले जुड़े घटना मन बढ़े हावे। उमन नोटबंदी म सरकार ल घेरत किहिन कि 500 अऊ 1,000 रपिया के जुन्ना नोट अचानक अमान्य करे ले देश मं बड़का पैमाना म रोजगार खतम हो गए, विकास दर घटे हे अऊ आर्थिक ढांचा गड़बड़ा गए हे।
धनोपिया हर किहिन, ‘प्रधानमंत्री हर नोटबंदी ले काला धन उपर लगाम लगे के बड़े-बड़े दावा करे रहिस। फेर ओखर सरकार हर अब तक ये नइ बताए हे कि नोटबंदी के बाद देश मं कुल कतका काला धन के खुलासा होय हे।’
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment