योग दिवस म लाखों मनखे मन ह करिन योग, प्रधानमंत्री ह बताइस योग के जरिये भारत ले दुनिया के जुड़ाव के बारे म

लखनउ:दिल्ली, 21 जून :भाखा: तीसर अंतरराष्ट्रीय योग दिवस के मौका म देश अऊ दुनिया भर म आज लाखों मनखे मन ह प्रधानमंत्री नरेंद्र मोदी के संग योग करिन। लखनउ के रमाबाई अंबेडकर मैदान ले लेके दिल्ली म कनाट प्लेस तक अऊ लंदन के ट्रैफलगार स्क्वायर ले लेके चीन के ग्रेट वाल तक योग दिवस के धूम रहिस जिहां, स्वास्थ्य बर भारत के ए अमूल्य देन ल अंगीकार करत मनखे मन ह पूरा उत्साह के संग योग आसन करिन।
सफेद टीशर्ट अऊ ट्राउजर पहिरे प्रधानमंत्री नरेंद्र मोदी ह लखनउ के रमाबाई अंबेडकर मैदान म कहिन कि योग अब हर मनखे के जीवन के हिस्सा बन गए हे। मोदी के संग 51,000 ले जादा मनखे मन ह योग करिन। उमन कहिन ''कई देश हमर भाखा, परंपरा या संस्कृति नइ जानय फेर वो मन योग के माध्यम ले भारत ले जुड़त हें। शरीर, मगज अउ आत्मा ल एक दूसर ले जोड़इया वाले योग ह दुनिया ल एक सूत म पिरोए म अहम भूमिका निभाये हे।'' लखनउ अऊ दिल्ली म बरसा ह कुछ खलल डाले रहिस फेर बगैचा अऊ सार्वजनिक स्थल मन म योग करे बर सकलाए मनखे मन के उत्साह कम नइ कर पाइस।
उत्तर प्रदेश के राजधानी लखनउ म मोदी के संग राज्यपाल राम नाइक अऊ मुख्यमंत्री योगी आदित्यनाथ ह घलोक योग करिस। बारिश के बावजूद बड़ संख्या म मनखे मन के आए म उमन ल धन्यवाद देवत प्रधानमंत्री ह कहिन ''इहां आप मन के उपस्थिती योग ल मजबूती देही अऊ ये सैल्यूट के हकदार हे।'' बाद म एक के बाद एक कर करे ट्वीट म मोदी ह कहिन ''आज, योग कई मनखे मन के जीवन के हिस्सा बनिस। भारत के बाहिर घलोक योग के लोकप्रियता कम नइ हे अऊ ए हर दुनिया ल भारत के संग जोड़ दीस।'' 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment