छत्तीसगढ़ के श्रमायुक्त कार्यालय मन म शिकायत मन के ऑनलाइन पंजीयन अउ निराकरण सुरू

निराकरण के जानकारी घलोक आनलाईन मिलही 
रायपुर 1 जुलाई 2017। राज्य सरकार हर औद्योगिक संस्थान, कारखाना अउ ओमां नियोजित श्रमिक मन संग आम जनता मन ल श्रम विभाग म अर्जी दे बर ऑनलाइन सुविधा प्रदान करे हावय। छत्तीसगढ़ स्थित श्रमायुक्त संगठन के अधीन सबो कार्यालय मन म शिकायत मन के ऑनलाइन पंजीयन अउ निराकरण सुरू हो गए हे। कोनो मनखे या संस्था श्रम विभाग ले संबंधित अपन शिकायत ऑनलाइन दर्ज करा सकत हें। एखर बर विभाग कोति ले ऑनलाइन शिकायत निवारण प्रणाली विकसित करे गए हे। ए प्रणाली म विभाग के पोर्टल म ऑनलाइन शिकायत निवारण प्रणाली कड़ी देहे गए हे, जेमां ऑनलाइन शिकायत दर्ज करे जा सकत हावय। 
श्रम विभाग के अधिकारी मन ह आज इहां बताइन कि शिकायतकर्ता आवेदक विभागीय पोर्टल म ऑनलाइन शिकायत निवारण प्रणाली ल किलिक करके ओमा देहे फार्म म जानकारी भरके शिकायत दर्ज कर सकत हावय। शिकायत दर्ज हो जाय म आवेदक के ई-मेल या मोबाइल म शिकायत पंजीकृत होए के जानकारी मिलही। शिकायत कर्ता ए नम्बर के उपयोग शिकायत के स्थिति जाने बर कर सकत हावय। विभाग से शिकायत निवारण के सूचना आवेदक के ई-मेल म दे जाही। ई-मेल आई डी नइ होए म डाक से जानकारी दे जाही। कहूं कोनो आवेदक अपन शिकायत संबंधित जिला कार्यालय म हार्ड कापी जमा कराथें, त ओला तुरंते पोर्टल म दर्ज करे जाही। इही प्रकार श्रमायुक्त कार्यालय म प्राप्त शिकायत मन ल घलोक तुरंते प्रणाली म दर्ज करके निराकरण करे जाही। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment