सांख्यिकी दिवस के अवसर म कार्यशाला मं सांख्यिकी विशेषज्ञ मन रखिन राय

प्रख्यात सांख्यिकीविद् स्व. पी.सी. महालनोबीस के जयंती म मनाए गीस सांख्यिकी दिवस
रायपुर 29 जून 2017@ सांख्यिकी दिवस के अवसर म आज इहां न्यू सर्किट हाउस मं कार्यशाला के आयोजन करे गीस। कार्यशाला मं बताय गीस कि प्रख्यात सांख्यिकीविद स्व. प्रशांत चंद्र महालनोबीस के जन्मदिवस म 29 जून के दिन हर एक साल देशभर मं सांख्यिकी दिवस मनाया जाथे। सांख्यिकी दिवस के उद्देश्य युवा पीढ़ी मं आर्थिक नियोजन अऊ सांख्यिकी के क्षेत्र मं ऊंखर उल्लेखनीय योगदान से प्रेरणा प्राप्त करना अउ आधुनिक समय मं सांख्यिकी के महत्व म प्रकाश डालना हावे।
   सांख्यिकी दिवस म आयोजित कार्यशाला मं प्रशासन मं सांख्यिकी के उपयोग के महत्व अउ उपयोगिता ऊपर चर्चा करे गीस। ए अवसर म छत्तीसगढ़ विज्ञान अउ प्रौद्योगिकी परिषद के महानिदेशक डॉ के सुब्रमणियम ह कहिन कि प्रशासन अउ सरकार योजना मन ल आंकड़ा के आधार म ही बनाथे। सब्बो योजना मन के निर्माण आंकड़ा के अध्ययन करके ही होथे। अइसन मं आंकड़ा के विश्वसनीयता बहुत जरूरी हावे। हर एक विभाग से प्रशासकीय प्रतिवेदन अऊ सरकार से बजट निर्माण में आंकड़ा के उपयोग करे जाथे। ये आंकड़ा ही जनहितकारी नीति मन के आधार स्तंभ होथे। एखरे सेती आंकड़ा के संग्रहण अऊ विश्लेषण बड़ सावधानी ले करना चाहि। ए अवसर म राज्य योजना आयोग के सदस्य प्रोफेसर दिनेश मरोठिया ह प्रशासनिक सांख्यिकी के महत्व ऊपर जानकारी दीन। उमन बताइन कि आन देश मन के जइसे भारत मं घलोक प्रशासनिक सांख्यिकी कार्यालयीन सांख्यिकी तंत्र के प्रमुख घटक हावे अऊ सूचना प्रौद्योगिकी के विस्तार के संग प्रशासनिक सांख्यिकी सही समय तात्कालिक रूप से तैयार करे जा सकत हावे अऊ निर्णय निर्माण अउ मूल्यांकन मं अऊ अधिक उपयोगी हो सकत हावे।
कार्यशाला मं सांख्यिकी विभाग के सचिव श्री अनिल साहू, सेवानिवृत्त सचिव श्री डी एस मिश्रा, श्री अमिताभ पंडा, श्री ईवी गंगाधर राव, संग विभाग के अधिकारी अउ कर्मचारी उपस्थित रहिन।


Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment