मेघालय मं राष्ट्रीय कार्यशाला : श्रीमती रमशीला साहू ह घलोक लीस हिस्सा

रायपुर, 23 जून 2017, छत्तीसगढ़ के महिला अउ बाल विकास मंत्री श्रीमती रमशीला साहू आज मेघालय के राजधानी शिलांग के दू दिवसीय प्रवास म हें। उमन आज उहां केन्द्र सरकार कोति ले आयोजित दू दिवसीय राष्ट्रीय कार्यशाला के पहिली दिन के कार्यक्रम मं हिस्सा लीन। ये कार्यशाला ‘पोषण बर कृषि’ सबो भारतीय बर पौष्टिक थाली के उपलब्‍धता सुनिश्चित हो ये विसय म आयोजित करे गए रहिस। कार्यशाला के शुभारंभ सत्र मं नागालैण्ड अऊ अरूणाचलप्रदेश के राज्यपाल श्री पी.बी. आचार्य, मध्यप्रदेश के महिला अउ बाल विकास मंत्री श्रीमती अर्चना चिटनिस, पांडिचेरी के महिला अउ बाल विकास मंत्री श्री एम कंडासमी, असम कृषि विश्वविद्यालय के कुलपति डॉ. के एम कुजूर, पंडित दीनदयाल अनुसंधान संस्थान के महासचिव डॉ. अतुल जैन, पर्यावरणविद् डॉ. वंदना शिवा, आई.सी.ए.आर. के डायरेक्टर डॉ. एस.वी. नचान उपस्थित रहिन।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment