जलवायु बदलाव म ‘सहभागिता बनाये रखना’ चाहत हे ट्रम्प : टिलरसन





[responsivevoice_button voice="Hindi Female" buttontext="ये खबर ला सुनव"]


भाषा, सिडनी, 05 जून 2017। जलवायु बदलाव म पेरिस समझौता ले हटे के अमेरिका के राष्ट्रपति के घोषणा के कुछ दिन बाद अमेरिका के विदेश मंत्री रेक्स टिलरसन हर आज कहिस कि राष्ट्रपति डोनाल्ड ट्रम्प जलवायु बदलाव म अपन सहभागिता बरकरार रखना चाहत हे अऊ उमन ए मुद्दा ल त्यागे नइ हे।
टिलरसन हर सिडनी मं कहिस, ‘‘ट्रम्प के फैसला ऊंखर ओ विचार उपर आधारित रहिस कि ये अमेरिकी मनखे मन ल लाभ नइ पहुंचावय।’’आप मन जानतेच हव कि ट्रम्प के ए फैसला के अंतरराष्ट्रीय समुदाय मं घोर आलोचना होवत हे।
उमन कहिन, ‘‘हालांकि ये ऊंखर भविष्य के आर्थिक हित मन ल पूरा नइ करय।’’ टिलरसन हर कहिन, ‘‘फेर में समझथंव कि राष्ट्रपति हर एमा फेर विचार करय, आन के संग चर्चा मन मं हिस्सा लेहे .. संभवत: कोनो समझौता के नवा प्रारूप म .. के अपन इच्छा के संकेत देहे हे -- जऊन ओखर स्वीकृति ल दर्शाथे कि ये वाले मुद्दा अब महत्वपूर्ण हे अऊ एकरे सेति वो ए मुद्दा म अपन सहभागिता बनाये रखना चाहथे।’’ टिलरसन हर पाछू हफ्ता कहे रहिस कि पेरिस समझौता ले हटे के योजना के बावजूद अमेरिका ग्रीनहाउस गैस उत्सर्जन मं कमी लाय मं अपन एकतरफा उदीम जारी रखही। अइसन खबर हे कि टिलरसन उन जमो लोगन मं सामिल हे जउन मन ट्रम्प ल ए समझौता ले नइ हटे के सुझाव देहे रहिस।
सिडनी मं उमन ए बात म जोर दीन कि ऊंखर बॉस 'राष्ट्रपति ट्रम्प' ए मुद्दा ले पूरा अइसन ‘पाछू नइ’’ हटत हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment