सौर ऊर्जा ले जगमग होही डेढ़ हजार ले जादा सरकारी स्कूल

अब तक 649 स्कूल मन ल मिलीस सोलर कनेक्टिविटी
रायपुर, 23 जून 2017, सरकारी स्कूल मन ल सौर ऊर्जा ले अंजोर करे के काम छत्तीसगढ़ म उत्‍ता-धुर्रा चलत हावय। मुख्यमंत्री डॉ. रमन सिंह के निर्देश ले राज्य के एक हजार 561 स्कूल मन ल सौर ऊर्जा प्रणाली ले विद्युतीकृत करे के लक्ष्य हावय। ये लक्ष्य छत्तीसगढ़ राज्य अक्षय ऊर्जा विकास अभिकरण (क्रेडा) ल देहे गए हे। एमा ले अब तक 649 स्कूल मन ल सोलर पावर कनेक्टिविटी देवत जात हे। सौर विद्युतीकरण बर उपयुक्त पाए गए 1561 स्कूल मन म ए काम बर अंदाजन 45 करोड़ 98 लाख रूपिया खरचा होए के अनुमान हावय। येमा ले आठ करोड़ 18 लाख रूपियाए क्रेडा कोति ले खरचा करे गए हावय। अभी हाल म क्रेडा ह 490 स्कूल मन म सोलर पावर प्लांट लगवा देहे हे अउ 159 स्कूल मन ल गांव म पहिली ले स्थापित सोलर पावर प्लांट ले जोड़े गए हे। एखर संगें-संग राज्य के 164 स्कूल मन म सोलर पावर प्लांट स्थापना बर निविदा प्रक्रिया शुरू करे गए हावय। बांचे स्कूल मन के सोलर विद्युतीकरण बर 37 करोड़ 80 लाख रूपिया के प्रस्ताव क्रेडा कोति ले सर्वशिक्षा अभियान के राज्य कार्यालय ल भेजे गए हे।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment