डोंगरगांव म जोगी कांग्रेस म सैकड़ों गांव वाले सामिल

डोंगरगांव विधानसभा क्षेत्र के ग्राम बिल्हरी म जनता कांग्रेस छग के कार्यकर्ता मन के बैठक होइस। अध्यक्षता जिलाध्यक्ष जरनैल सिंह भाटिया ह करिन। बैठक म किसान, महिला युवा सब्बो संगठन के मनखे उपस्थित रहिन। जिलाध्यक्ष भाटिया के मौजूदगी म अड़बड़  झन गांव वाले मन जोगी कांग्रेस के सदस्यता लीन। 
पार्टी के स्थापना दिवस 21 जून ले चलत जन-जन जोगी महा अभियान के तहत हर एक घर म अजीत जोगी के शपथपत्र ल पहुंचाए अउ जनसंपर्क के बड़का जिम्मेदारी कार्यकर्ता मन ल देहे गए हे। बैठक म सबले पहिली नेता मन ह अपन विचार कार्यकर्ता मन के आघू रखिन अउ पार्टी के रीति-नीति अउ उद्देश्य ले कार्यकर्ता मन ल अवगत कराराइन। जिला महामंत्री विष्णु लोधी ह भाजपा सरकार के किसान मन के संग सौतेला व्यवहार करे के आरोप लगाइन अउ 2018 के विधानसभा चुनाव म भाजपा ल सत्ता ले उखाड़ फेंके के आह्वान करिन। बैठक ल जिला उपाध्यक्ष मीनाराम वर्मा, वरिष्ठ नेता बृजभान मंडावी, एससी सेल प्रदेश उपाध्यक्ष लोकनाथ भारती, प्रदेश उपाध्यक्ष पिछड़ा महिला जमुना साहू, किसान विभाग के जिलाध्यक्ष उदय नेताम हर घलोक संबोधित करिन। 
बैठक के आखरी म जिलाध्यक्ष जरनैल सिंह भाटिया ह सरकार के कमीशन म बयाए के आरोप लगा के कहिन कि सरकार ल गरीब, किसान, मजदूर, महिला मन, पिछड़े मन, युवा मन के कोनो फिकर नइ हे। भाटिया ह कार्यकर्ता मन अउ पदाधिकारी मन ले निष्ठापूर्वक जनता के हित मन बर काम करे अउ जोगी सरकार बनाए के अपील करिन। कार्यक्रम के संचालन एलबी नगर ब्लॉक अध्यक्ष मोतीराम उइके हर करिस। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment