आशा हे कि ट्रंप पेरिस समझौता म अपन फैसले के बारे मं पुनर्विचार करही: राजनाथ





[responsivevoice_button voice="Hindi Female" buttontext="ये खबर ला सुनव"]


भाषा, नयी दिल्ली, 06 जून 2017। केंद्रीय गृह मंत्री राजनाथ सिंह हर आज कहिस कि पेरिस समझौता ले अमेरिका ल अलग करे वाला राष्ट्रपति डोनाल्ड ट्रंप के बयान भारत बर चौंकाने वाला रहिस, फेर हम मन ल विश्वास हे कि अमेरिका अपन फैसला म पुनर्विचार करही।
‘राज्य आपदा मोचन बल के क्षमता निर्माण-2017’ उपर आयोजित दू दिवसीय राष्ट्रीय सम्मेलन मं सिंह हर कहिस कि ये भारत अऊ विश्व समुदाय बर चिंता के विसय हे कि कोनो एक देश केवल अपन हित के बारे मं सोचथे। उमन कहिन, ‘‘पेरिस समझौता म अमेरिकी राष्ट्रपति के बयान हमार अऊ अंतरराष्ट्रीय समुदाय बर स्तब्ध करे वाला रहिस। मोला भरोसा हे कि अमेरिका ए फैसला के बारे मं पुनर्विचार करही।’’ सिंह हर कहिस कि ये देखना होही कि कऊन हालात मं अमेरिकी राष्ट्रपति हर पेरिस समझौता उपर बयान दीस।
पाछू एक जून को पेरिस समझौता ले अमेरिका के अलग होए के घोषणा करत ट्रंप हर दावा करे रहिस कि भारत हर ‘विदेशी सहायता के तौर म अरबों डॉलर मिले म निर्भरता होए के कारन से’ ए समझौता मं भागीदारी करे हे।
विदेश मंत्री सुषमा स्वराज हर काल ट्रंप के बयान ल खारिज करत कहिस कि भारत हर कोनो देश के दबाव या पइसा के लालच मं ए समझौता म हस्ताक्षर नइ करे हे। उमन कहिन कि भारत ए समझौता के हिस्सा बने रहिही, चाहे अमेरिका एकर हिस्सा रहय या झन रहय।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment