केन्द्रीय पर्यटन मंत्री ह रमन जन पर्यटन योजना के करिन प्रशंसा





[responsivevoice_button voice="Hindi Female" buttontext="ये खबर ला सुनव"]


रायपुर, 08 जून 2017। केन्द्रीय पर्यटन मंत्री डॉ. महेश शर्मा हर छत्तीसगढ़ पर्यटन मंडल के रमन जन पर्यटन योजना के प्रशंसा करे हे। उमन कहिन कि जन-पर्यटन योजना के तहत पर्यटक मन ल रियायती दर म पर्यटन सुविधा देहे जावत हे। ये योजना के फायदा सब झन उठा सकत हें। श्री शर्मा मेर काल इहां स्‍वामी विवेकानंद विमानतल म राज्य के पर्यटन अउ संस्कृति मंत्री श्री दयालदास ह सौजन्य मुलाकात करिन। श्री बघेल हर केन्द्रीय मंत्री ल छत्तीसगढ़ सरकार के रमन जन पर्यटन योजना के बारे मं विस्तार से बताइन। केन्द्रीय पर्यटन मंत्री श्री महेश शर्मा ओड़िशा राज्य के दौर म जावत खानि कुछ समय बर स्‍वामी विवेकानंद विमानतल म रूके रहिन, केन्द्रीय मंत्री से मुलाकात के बेरा छत्तीसगढ़ पर्यटन मंडल के उपाध्यक्ष केदारनाथ गुप्ता, मार्कफेड के अध्यक्ष श्री राधाकृष्ण गुप्ता, प्रबंध संचालक पर्यटन मंडल श्री एम.टी.नंदी अऊ संचालक संस्कृति श्री आशुतोष मिश्रा घलोक उपस्थित रहिन।
केन्द्रीय पर्यटन मंत्री श्री शर्मा ह राज्य के पर्यटन मंत्री श्री दयाल दास बघेल से छत्तीसगढ़ मं पर्यटन ल बढ़ावा दे बर कई ठन पहलु मन उप्‍पर चर्चा करिन। श्री शर्मा ह रमन जन पर्यटन योजना के प्रशंसा करत ए योजना ल आन प्रदेश मन बर अनुकरणीय बताइन। छत्तीसगढ़ पर्यटन मंडल के उपाध्यक्ष श्री केदारनाथ गुप्ता हर केन्द्रीय मंत्री ले रायपुर दर्शन बर पर्यटन मंडल ल दू बस देहे के मांग करिन, जऊन म केन्द्रीय मंत्री हर योजना ल सुचारू रूप ले चलाय बर विश्व स्तरीय हाफ अप दो बस देहे के स्वीकृति प्रदान करिन। अइसनहे केन्द्रीय पर्यटन मंत्री ल इको टूरिज्म सर्किट अउर ट्रायवल सर्किट के संबंध मं प्रस्ताव प्रेषित करे गीस। ए अवसर म उमन कहिन कि भविष्य मं इको टूरिज्म सर्किट, रामायन सर्किट अउर ट्रायबल सर्किट छत्तीसगढ़ के पर्यटन के प्रमुख पहिचान होही। उमन कहिन कि प्रदेश मं विशेष पर्यटक सुविधा मन के विकास करे जाही। एखर अतिरिक्त ये घलोक आश्वासन दीन कि क्षेत्रीय सम्पर्क योजना के अंतर्गत छत्तीसगढ़ मं रायपुर, बिलासपुर, अम्बिकापुर अउ रायगढ़ एयरपोर्ट ल इही साल चालू करे जाही अउ बस्तर दशहरा ल अऊ जादा लोकप्रियता देवाए के घलोक केन्द्र सरकार के योजना हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment