एडवेंचर पर्यटन ल बढ़ावा देहे आठ जुलाई को बुलेट बाईक रायडिंग रायपुर ले सरोधादादर (चिल्फी घाटी) तक


रायपुर, 24 जून 2017, छत्तीसगढ़ पर्यटन मंडल के संग प्रदेश के युवा मन ल एडवेंचर पर्यटन के क्षेत्र म आकर्षित करे खातिर आठ जुलाई के दिन रायपुर ले सरोधादादर (चिल्फी घाटी) तक बुलेट बाईक रायडिंग के आयोजन सिक्स्थ गेयर राइडर क्लब तेलीबांधा रायपुर के संग मिलके करे जात हे। ये बाईक राईडिंग बिहनिया सात बजे ले चालू होही। ए बाईक रायडिंग म अंदाजन 45-50 बाईक रायडर्स हिस्सा लेंहीं। बाईक रायडर्स ल सरोधादादर स्थित छत्तीसगढ़ पर्यटन मंडल के बैगा पर्यटक रिसॉर्ट म ठहराए जाही। ए यात्रा ल अऊ जादा रोचक अउ सफल बनाए बर ए राइडर्स बर ट्रैकिंग अउ रेपलिंग के घलोक आयोजन करे जाही। ए बाईक राईडिंग के उद्देश्य पर्यटन मंडल के पर्यटन स्थल/रिसॉर्ट मन के प्रचार-प्रसार के संगें-संग प्रदेश के युवा मन ल एडवेंचर के क्षेत्र म बढ़ावा देहे अऊ पर्यटन व्यवसाय म बढ़ोतरी करना हे। पाछू साल पर्यटन मंडल के संग रायपुर ले आमाडोब (अचानकमार टायगर रिजर्व) तक बाईक रायडिंग के आयोजन 10 अऊ 11 सितमबर 2016 को अऊ 13 ले 15 जनवरी 2017 तक रायपुर ले मैनपाट तक करे गए रहिस। ए दुनों आयोजन मन म पाछू साल बाईक राईडर्स मन ह बढ़-चढ़के भाग लेहे रहिन। ए साल आठ जुलाई के दिन रायपुर ले सरोधादादर (चिल्फी घाटी) तक होवइया ए बुलेट बाईक रायडिंग म भाग लेहे बर इच्छुक मनखे मन ले अनुरोध करे गए हे कि ओ मन लउहे छत्तीसगढ़ पर्यटन मंडल मुख्यालय, उद्योग भवन, रिंग रोड रायपुर ले या सिक्स्थ गेयर राइडर क्लब तेलीबांधा रायपुर ले संपर्क कर सकत हे।


Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment