शिक्षा के लपट नक्सलवाद ल बुझा दिही: डॉ. रमन सिंह

  • रायपुर प्रयास स्कूल के सीट दुगुना होही
  • कोरबा म घलोक प्रयास स्कूल खोले जाही

रायपुर, 20 जून 2017, मुख्यमंत्री डॉ. रमन सिंह हर कहिस कि शिक्षा के लपट ह जल्दीच वामपंथी अतिवाद ल बुझा देही। उमन कहिन कि राज्य सरकार राज्य के दूरदराज के हिस्सा मन म शिक्षा अउ स्वास्थ्य सुविधा मन के विस्तार करके नक्सलि अउ आतंकवादि मन के हिंसा के विरूद्ध ए माध्यम ले उचित जवाब देवत हावय। बस्तर ल अब वामपंथी चरमपंथी हिंसा के दमनकारी उदीम ले बंधक नइ बनाये जा सकय। कोनो जनसुविधा के आयाम, स्कूल या अस्पताल मन ल नष्ट करे के कोनो अधिकार नइ हे। राज्य के ए संवेदनशील भाग मन म सरकार के उदीम ले शिक्षा के प्रसार के संग जन जागरूकता म वृद्धि होए हावय। डॉ. रमन सिंह काल रात अपन आधिकारिक आवास म एक सम्मानित समारोह म बोलत रहिन, ये समारोह प्रयास स्कूल के उन 54 बालक मन के खातिर आयोजित करे गए रहिस जेमन कई ठन प्रतिष्ठित आईआईटी अउ एनआईआई म चुने गउ हें।
मुख्यमंत्री डॉ.रमन सिंह हर कहिस कि दंतेवाड़ा अउ सुकमा जिल के शहर मन म नक्सल प्रभावित जिला के सात हजार छात्र पढ़त हें। मुख्यमंत्री बाल भव्य सुरक्षा योजना के तहत सब्बो पांच मंडल मुख्यालय मन के दूर-दराज के इलाका मन म प्रयास बोर्डिंग स्कूल काम करत हे जेखर परिणाम बहुत उत्साहजनक हावय। भारत के प्रतिष्ठित इंजीनियरिंग कॉलेज मन म प्रयास स्कूल मन के 54 छात्र मन के चयन पूरा राज्य बर एक गर्व के क्षण हावय। अइसन अद्भुत अउ उत्साहजनक परिणाम बर उमन शिक्षक, माता-पिता अउ अधिकारी मन ल बधाई दीन। उमनं कहिन कि ए छात्र मन ल अपन क्षमता के प्रति बहुत आत्मविश्वास हावय जेखर परिणामस्वरूप उंखर चयन होय हावय। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment