केन्द्रीय ग्रामीण विकास मंत्रालय के अवर सचिव हर देखिस हमर छत्तीसगढ़ योजना केआवासीय परिसर

रायपुर. 13 जून 2017। भारत सरकार के ग्रामीण विकास मंत्रालय के अवर सचिव श्री आर.के. शर्मा ह हमर छत्तीसगढ़ योजना के आवासीय परिसर नया रायपुर के उपरवारा के होटल प्रबंधन संस्थान पहुंचके योजना ल जानिन-समझिन। ए दौरान उमन कहिन कि ग्रामीण जनप्रतिनिधि मन ल जागरुक करे बर ये अच्छा योजना हावय। देश भर म छत्तीसगढ़ पहला राज्य हे, जिहां अइसन गजब योजना शुरू के गए हावय। सबो राज्य मन म जनप्रतिनिधि मन बर ए प्रकार के योजना संचालित करे जाना चाही।
केन्द्रीय ग्रामीण विकास मंत्रालय के अवर सचिव श्री शर्मा ह आवासीय परिसर म पंचायत प्रतिनिधि मन के दू दिन के अध्ययन भ्रमण बर करे गए तमाम व्यवस्था मन ल देखिन। उमन पंच-सरपंचों के पंजीयन, भोजन, आवास, मनोरंजन अउ शिक्षण-प्रशिक्षण के इंतजाम मन के अवलोकन करिन। श्री शर्मा हर इहां जनसंपर्क विभाग कोति ले लगाई गए छायाचित्र प्रदर्शनी अउ स्वच्छ भारत मिशन के मॉडल के घलोक अवलोकन करिन। उमन आवासीय परिसर के होलोग्राफिक थिएटर म पंचायत प्रतिनिधि मन बर तैयार करे मुख्यमंत्री डॉ. रमन सिंह के संदेश “रमन के बात हमर मन के साथ' घलोक देखिन। अपर विकास आयुक्त अउ हमर छत्तीसगढ़ योजना के नोडल अधिकारी श्री सुभाष मिश्रा ह ओ मन ल योजना के जमो पहलु मन के बारे म विस्तार से बताइन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment