नौसेना अध्यक्ष एडमिरल सुनील लाम्बा के इस्रायल यात्रा

नई दिल्‍ली, 12 जून 2017। भारत अउ इस्रायल के संबंध 17 सितमबर 1950 ले कायम हावय, जब ले भारत हर इस्रायल के गठन ल मान्यता प्रदान करे रहिस हे। 1992 म औपचारिक कूटनीतिक संबंध बहाल होए के बाद दुनों देश मन के आपसी संबंध म रक्षा सहयोग मुख्य स्तंभ म से एक रहे हे। एही कड़ी म सीओएससी के अध्यक्ष अउ नौसेना अध्यक्ष एडमिरल सुनील लांबा 12 ले 15 जून तक इस्रायल के यात्रा करहीं। उंखर ये यात्रा उच्‍च स्तरीय रक्षा सहयोग के दृष्टि ले महत्वपूर्ण हावय।
सीओएससी के अध्यक्ष अउ नौसेना अध्यक्ष एडमिरल सुनील लांबा अपन इस्रायल यात्रा के समय इस्रायली डिफेंस फोर्स के प्रमुख्, लेफ्टिनेंट जनरल गादी एइसेंकोट के संग द्विपक्षीय वार्ता करहीं। ए यात्रा के उद्देश्य दुनों देश मन के प्रतिरक्षा सेना मन म सहयोग बढ़ाए के संभावना मन के पता लगाना हावय। ओ मन इस्रायली नौसेना के कमांडर-इन-चीफ, इस्रायल के वायु सेना के कमांडर, इस्रायल के थल सेना के कमांडर अउ रक्षा मंत्रालय के आन अधिकारी मन से घलोक मिलहीं। एखर अतिरिक्त ओ मन हैफा नौसेना केन्द्र अउ इस्रायली वायु सेना अउ थल सेना प्रतिष्ठान देखे घलोक जाहीं।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment