अमित शाह हर करिस मोदी फेस्ट के शुभारंभ





[responsivevoice_button voice="Hindi Female" buttontext="ये खबर ला सुनव"]

रायपुर, 09 जून 2017। भाजपा के राष्ट्रीय अध्यक्ष अमित शाह हर आज रायुपर मं मोदी फेस्ट के शुभारंभ करिस। भाजपा सरकार के तीन साल पूरा होए के बेरा म सरकार के सफलता के कहानी बताए बर रायपुर म मोदी फेस्ट आयोजित करे गए हे। ए कार्यक्रम म अमित शाह हर कहिन कि तीन साल मं हमर सरकार ह गुड गर्वनेंस लेके आए हे, उमन कहिन कि केंद्र के नीती मन के बारे मं लोगन ल जागरुक करना जरूरी हे। उमन कहिन कि मोदी सरकार के योजना मन ल जन-जन तक पहुंचाए के जिम्मा कार्यकर्ता मन के हे। उमन भरोसा करत एहू कहिन कि छत्तीसगढ़ मं भाजपा के सरकार चौथइया पइत घलव जनता के समर्थन ले बनही। रमन सिंह ह छत्तीसगढ़ ल विकास के रस्ता म ले जाय के काम करत हे।
ए दौरान ऊंखर संग मुख्‍यमंत्री डॉ. रमन सिंह घलोक मौजूद रहिन।
आज रायपुर मं अमित शाह के बहुत अकन कार्यक्रम तय रहिस हे जेमा उमन पंडित दीनदयाल उपाध्याय जन्मशताब्दी समारोह समिति अउ कार्य विस्तार योजना के समीक्षा बैठक ल घलव संबोधित करिन। उमन उहां कहिन कि हमर पार्टी के लक्ष्य कोनो ल मंत्री-प्रधानमंत्री बनाना नइ हे बल्कि भारत ल अलौकिक स्वरुप देके विश्वगुरु बनाना हे।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment