मुख्यमंत्री ह जापान के भारतीय भाषाविद डॉ. मिजोकामी ल करिस सम्मानित

रायपुर, 02 जून 2017। मुख्यमंत्री डॉ. रमन सिंह ह आज जापान के ओसाका शहर म जापान के डॉ. टोमियो मिजोकामी ल जापान म भारतीय संस्कृति अउ भारतीय भाषा मन के प्रचार-प्रसार म महत्वपूर्ण योगदान बर सम्मानित करिन। डॉ. सिंह ह उहां भारतीय उद्योग परिसंघ (सीआईआई) कोजि ले आयोजित निवेशक सम्मेलन म कहिन- मैं भारतीय संस्कृति खातिर डॉ मिजोकामी के गहीर अभिरूचि बर हृदय से ओखर सराहना करत हंव। मोला वोकर ले मिलके हार्दिक खुशी होइस। ओ मन एक विद्वान भारतीय भाषाविद हें। डॉ. मिजोकामी जहां धाराप्रवाह हिन्दी बोलथें, उन्‍हें ओ मन पंजाबी अउ बांग्ला भाषा के घलोक अच्छा जानकार हावंय। मोला वोकर से मिलके अड़बड़ खुशी होइस। उमन गुरूबाणी के घलोक जापानी भाखा म अनुवाद करे हावंय। मुख्यमंत्री से उंखर मुलाकात के समय छत्तीसगढ़ सरकार के मुख्य सचिव श्री विवेक ढांड, अपर मुख्य सचिव श्री एन. बैजेन्द्र कुमार, मुख्यमंत्री के प्रमुख सचिव श्री अमन कुमार सिंह अउ आन संबंधित वरिष्ठ अधिकारी घलोक उपस्थित रहिन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment