प्रधानमंत्री मोदी अऊ शी के मुलाकात मं होइस भारत-चीन संबंध सुधारे उपर चर्चा





[responsivevoice_button voice="Hindi Female" buttontext="ये खबर ला सुनव"]


भाषा, अस्ताना, 09 जून 2017। प्रधानमंत्री नरेंद्र मोदी हर अस्ताना मं आयोजित शंघाई सहयोग संगठन शिखर सम्मेलन ल बाहिर आज चीनी राष्ट्रपति शी चिनफिंग ले मुलाकात करिन। दुनों नेता मन ह चीन-पाकिस्तान आर्थिक गलियारा अऊ परमाणु आपूर्तिकर्ता समूह मं भारत के सदस्यता के मुद्दा म बढ़त मतभेद मन के बीच दुनों देश मन के द्विपक्षीय संबंध ल सुधारे के तरीका मन उप्‍पर चर्चा करिन।
भारत से बेल्ट एंड रोड फोरम के बहिष्कार करे के बाद दुनों नेता मन के बीच ये पहली मुलाकात होइस। पाछू महिना बीजिंग मं आयोजित ए फोरम के भारत ह बहिष्कार करे रहिस। ये मां विश्व के 29 नेता मन ह भाग लेहे रहिन। बेल्ट एंड रोड पहल के तहत बनइया 50 अरब डॉलर के चीन पाकिस्तान आर्थिक गलियारा ले जुरे अपन चिंता ल रेखांकित करे के कारन भारत ए सम्मेलन मं नइ गए रहिस। ये गलियारा पाकिस्तान के कब्जा वाले कश्मीर मं गिलगित अऊ बाल्टिस्तान ले होके जाथे। प्रधानमंत्री मोदी अऊ शी इहां शंघाई सहयोग संगठन के वाषिर्क शिखर सम्मेलन मं शिरकत करे पहुंचे हें। शी के संग मुलाकात के बाद मोदी हर ट्वीट करिस, ‘‘हमन भारत अऊ चीन के संबंध ल सुधारे उप्‍पर चर्चा करेन।’’ चीन 48 सदस्यीय परमाणु आपूर्तिकर्ता समूह मं भारत के प्रवेश रोके के अपन रूख ल लेके मुखर हे। ओ हर संयुक्त राष्ट्र ले जैश-ए-मुहम्मद के प्रमुख मसूद अजहर ल वैश्विक आतंकी घोषित कराए के भारत के उदीम ल घलोक अवरूद्ध कर दे रहिस हे।
अस्ताना के बाद मोदी अऊ शी अवइया महिना जर्मनी के हैम्बर्ग मं होवइया जी20 सम्मेलन मं घलोक मिल सकत हें। एखर बाद सितंबर मं ब्रिक्स सम्मेलन के आयोजन चीन मं होही।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment