रक्तदान पुनीत काम: राज्यपाल श्री टंडन


  • अंतर्राष्ट्रीय रक्तदान दिवस म आम नागरिक मन से रक्तदान के अपील 


रायपुर, 14 जून 2017। राज्यपाल श्री बलरामजी दास टंडन हर अंतर्राष्ट्रीय रक्तदान दिवस के अवसर म राज्य के आम नागरिक मन से अधिक से अधिक संख्या मं रक्तदान करे के अपील करे हें। उमन रक्तदान दिवस के मौका म सामाजिक संस्था मन से रक्तदान के संबंध मं चेतना बढ़ाए के संगेच लोगन मं एखर से जुरे भ्रांति मन ल घलोक दूर करे अऊ रक्तदान शिविर मन के आयोजन करके मनखे मन ल विशेष करके युवा मन ल रक्तदान बर प्रेरित करे के आग्रह करिन। राज्यपाल श्री टंडन हर कहे हें कि विश्व स्वास्थ्य संगठन हर घलोक रक्तदान के महत्ता ल देखत साल 2020 तक विश्वभर मं सबो जरूरतमंद मन ल स्वैच्छिक रक्तदान के माध्यम ले रक्त देवाए के लक्ष्य रखे हावे। ए लक्ष्य के पूर्ति तभे संभव हो सकही जब राज्य के सबो जागरूक नागरिक रक्तदान करहीं। उमन कहिन कि जब रक्त के जरूरत होथे त देखे जाथे कि ब्लड बैंक मन मं खून नइ रहय, एखर से मरीज मन के जीवन कई बार खतरा मं पर जथे। एकरे खातिर रक्तदान करके, रक्त ल पहिलीच संग्रहित करके रखना बहुत जरूरी हावे, काबर कि रक्तदान के संगेच रक्त के आपूर्ति करे जा सकय। रक्तदान करना एक पुनीत अऊ परोपकारी काम हे। एक मनखे के रक्तदान करे ले लगभग तीन मनखे के जिंदगी बचाए जा सकत हे।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment