मुख्यमंत्री के जनदर्शन : बड़ झन मनखे मन ह करिन मुलाकात

रायपुर, 29 जून 2017। मुख्यमंत्री डॉ. रमन सिंह हर आज इहां अपन निवास परिसर मं आयोजित ‘जनदर्शन’ कार्यक्रम मं राजधानी रायपुर संग राज्य के कई ठन जिला ले आए प्रतिनिधि मंडल, आम नागरिक,  किसान, श्रमिक, महिला अऊ छात्र-छात्रा मन ले मुलाकात करिन। डॉ. सिंह हर ऊंखर कई ठन ज्ञापन मन अऊ आवेदन मन म संबंधित विभाग मन के अधिकारी मन ल निराकरन बर जरूरी निर्देश जारी करिन। महासमुंद जिला के सरायपाली विकासखंड ले आए गांववाले मन के प्रतिनिधि मंडल हर मुख्यमंत्री ल विकासखंड के ग्राम रायपानी, बिजातीपाली, पलसापाली, कोसमपाली मं कई विकास कार्य मन बर ज्ञापन सौंपिन। मुख्यमंत्री ह ऊंखर ज्ञापन म जरूरी कार्रवाई के आश्वासन दीन। दुर्ग जिला के ग्राम अमलेश्वर के श्रीमती गंगा बाई सोनकर ह मुख्यमंत्री ल आवेदन सौंपके बताइस कि ओखर खेती के जमीन ल लोक निर्माण विभाग ह सड़क निर्माण बर अधिग्रहित कर लेहे हे। उमन ए जमीन के बलदा म आन जघा म शासकीय जमीन देवाये के आग्रह करिन। डॉ. सिंह हर ओखर आवेदन कलेक्टर दुर्ग ल भेजके जल्दी निराकरण के निर्देश दीन। रायपुर जिला के अभनपुर विकासखंड के ग्राम पंचायत उमरपोटी के गाँव वाले मन सामुदायिक भवन निर्माण बर मुख्यमंत्री ल ज्ञापन सौंपिन। डॉ. सिंह हर उंखर आवेदन कलेक्टर रायपुर ल भेजके प्राधिकरण मद से काम स्वीकृत करे के निर्देश दीन। महासमुंद जिला के ग्राम पंचायत बिन्द्रावन (विकासखंड बागबाहरा) के तरफ ले गाँव वाले मन बिन्द्रावन मं सीमेंट कांक्रीट सड़क अऊ सामुदायिक भवन बर ज्ञापन सौंपिन। ओमा मुख्यमंत्री हर उहां प्राधिकरण मंद ले सीसी रोड के मंजूरी तुरते  प्रदान कर दीन।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment