खाद्य मंत्री ह केरल के पलक्कड म मेगा फूड पार्क के रखिन आधारशिला

नई दिल्‍ली, 12 जून 2017। केरल के मुख्य मंत्री ह अलप्पुझा म केएसआईडीसी कोति ले विकसित करे जात मेगा फूड पार्क के आधार शिला रखिन। केरल राज्य म खाद्य प्रसंस्करण बर ढांचा विकास के वास्ते दो मेगा फूड पार्क मन के आधारशिला रखे गीस, जेमा से एक मेगा फूड पार्क केरल इंडस्ट्रियल इंफ्रास्ट्रक्चर डिवेलप्मेंट (किन्फरा) के पलक्कड म अउ दूसर मेगा फूड पार्क केरल स्टेट इंडस्ट्रियल डिवेलप्मेंट कॉर्पोरेशन (केएसआईडीसी) के अलप्पुझा म करे जात हावय। ए फूड पार्क मन के आधार शिला काल 11 जून 2017 के दिन दू अलग-अलग समारोह म रखे गीस, जऊन पलक्कड अउ अलप्पुझा म आयोजित करे गीस।
केन्द्रीय खाद्य प्रसंस्करण उद्योग मंत्री ह केरल म पलक्कड म किन्फरा कोति ले विकसित करे जात मेगा फूड पार्क के आधार शिला रखिन। ए अवसर म केरल के मुख्य मंत्री श्री पिनाराई विजयन घलोक मौजूद रहिन। अलप्पुझा म केएसआईडीसी कोति ले स्थापित करे जात दूसर खाद्य प्रसंस्करण मेगा फूड पार्क के आधार शिला केरल के मुख्य मंत्री श्री पिनाराई विजयन हर रखिन।
ए अवसर म श्रीमती हरसिमरत कौर बादल हर कहिन कि प्रधानमंत्री श्री नरेन्द्र मोदी के रचनात्मक मार्गदर्शन के अंतर्गत उंखर मंत्रालय खाद्य प्रसंस्करण उद्योग ल बढ़ावा देवत हावय, ताकि कृषि क्षेत्र के व्यापक विकास होवय अउ ये क्षेत्र ह किसान मन के आय बढ़ाए म प्रमुख भूमिका के निर्वाह करय।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment