मुख्यमंत्री ले ब्रिटिश डिप्टी हाई कमिश्नर के सौजन्य मुलाकात

रायपुर, 22 जून 2017, मुख्यमंत्री डॉ. रमन सिंह ले आज इहां ऊंखर निवास कार्यालय म भारत (कोलकाता) स्थित ब्रिटिश डिप्टी हाई कमिश्नर श्री ब्रूस बकनेल ह सौजन्य मुलाकात करिन। मुख्यमंत्री ह उंखर छत्तीसगढ़ म हार्दिक स्वागत करिन। मुख्यमंत्री ह उमन ल बताईन कि छत्तीसगढ़ म व्यापार अऊ उद्योग मन म पूंजी निवेश के अच्छा संभावना हावय। कहूं ब्रिटिश उद्यमी अऊ कम्पनी मन छत्तीसगढ़ आना चाहहीं, त उंखर प्रदेश म स्वागत हे। मुख्यमंत्री ह श्री बकनेल के संग सहयोग के कई ठन क्षेत्र मन के बारे म विस्तार ले बातचीत करिन। श्री बकनेल ह छत्तीसगढ़ म होवत विकास के सराहना करिन अऊ अड़बड़ रूचि लेके छत्तीसगढ़ म उद्योग अऊ व्यापार के संभावना मन के बारे म मुख्यमंत्री के संग विचार-विमर्श करिन।
मुख्यमंत्री ह ओ मन ल बताइस कि प्राकृतिक सम्पदा ले परिपूर्ण छत्तीसगढ़ म बिजली, कुशल मानव संसाधन अऊ शांत औद्योगिक वातावरण हे। राज्य सरकार के नवा उद्योग नीति घलोक उद्योग मन ल बढ़ावा देहे वाला हे। इज ऑफ डूईंग बिजनेस के मामला म छत्तीसगढ़ के देश म चौथा स्थान हे। मुख्यमंत्री ह बताइस कि राज्य सरकार डाउन स्ट्रीम के उद्योग मन ल बढ़ावा देवत हे। कोर सेक्टर म सेच्युरेशन के स्थिति हे। उमन ये घलोक बताइन कि सात राज्य मन ले घिरे छत्तीसगढ़ के महानगर मन के संग सड़क अऊ वायुमार्ग ले सीधा संपर्क हे।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment