सड़क बनाए के समान के जांच बर सात मोबाईल वेन तैनात


  • पंचायत मंत्री श्री चन्द्राकर ह हरा झंडा दिखाके करिन रवाना 
  • ‘पॉकेट बुक फार क्वालिटी एस्यूरेंस’ के विमोचन घलोक होइस


रायपुर, 25 जून 2017। प्रधानमंत्री ग्राम सड़क योजना के तहत निर्माणाधीन सड़क मन म उपयोग होए मटेरियल के मौकेच म जांच करे खातिर, सात चलित परीक्षण प्रयोगशाला (मोबाइल वैन) तैनात कर देहे गए हे। पंचायत अउ ग्रामीण विकास मंत्री श्री अजय चन्द्राकर ह आज इहां अपन निवास परिसर ले सातों मोबाईल वैन ल हरियर झंडा दिखाके रवाना करिन। ए चलित परीक्षण प्रयोगशाला के काम करे ले अब अऊ जादा पारदर्शी अऊ गुणवत्ता वाले सड़क मन के निर्माण हो सकही। ए मौका म श्री चन्द्राकर ह सड़क मन अऊ सड़क निर्माण म होवइया मटेरियल के जांच के प्रक्रिया उपर आधारित पुस्तिका ‘ पॉकेट बुक फॉर क्वालिटी एस्यूरेंस’ के विमोचन घलोक करिन। पंचायत अउ ग्रामीण विकास विभाग के अपर मुख्य सचिव श्री एम.के. राउत, प्रधानमंत्री ग्राम सड़क योजना के मुख्य कार्यपालन अधिकारी श्री राकेश चतुर्वेदी, मुख्य अभियंता श्री के.के. कटारे, मुख्य अभियंता (क्वालिटी) श्री व्ही.के. जैन संग आन संबंधित अधिकारी अऊ कर्मचारी ए अवसर म उपस्थित रहिन।
आप मन जानतेच होहू कि छत्तीसगढ़ ग्रामीण सड़क विकास अभिकरण अंतर्गत कार्यरत 12 परियोजना क्रियान्वयन इकाई मन बर चलित परीक्षण प्रयोगशाला शुरू करे जात हे। इंकर लागत एक करोड़ 70 लाख रूपिया हे। पहिली चरण म सात मोबाईल वैन के सेवा शुरू करे गए हे। श्री चन्द्राकर ह आज इही सात मोबाईल वाहन मन ल हरियर झंडा देखाके संबंधित क्षेत्र मन बर रवाना करिन। दूसर चरण म पांच अऊ मोबाइल वैन जल्दी सड़क मन के जांच करे बर तैनात करे जाही। मोबाइल वैन ले स्थलेच म सड़क मन के निर्माण म उपयोग होए मटेरियल के गुणवत्ता के जांच करे जाही। एखर अकतहा स्थल उपर जांच नइ होए के स्थिति म मोबाइल वैन से मटेरियल ल मुख्यालय स्थित प्रयोगशाला म लाके जांच करे जाही।


Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment