मुख्यमंत्री से तुर्की के कॉन्सुलेट जनरल श्री आद्रा युल्टॉस करिस सौजन्य मुलाकात

खाद्य प्रसंस्करण, पर्यटन अऊ निर्माण के क्षेत्र मं सहयोग के पेशकश
छत्तीसगढ़ अऊ तुर्की के व्यापारिक संगठन मन के कार्यशाला के होही आयोजन







[responsivevoice_button voice="Hindi Female" buttontext="ये खबर ला सुनव"]


रायपुर 7 जून 2017। मुख्यमंत्री डॉ रमन सिंह मेरन आज बिहनिया इहां ऊंखर निवास म तुर्की के भारत (हैदराबाद) स्थित महावाणिज्य दूत (कॉन्सुलेट जनरल) श्री आद्रा युल्टॉस हर सौजन्य मुलाकात करिन। मुख्यमंत्री ह चर्चा के समय छत्तीसगढ़ अऊ तुर्की के बीच व्यापारिक अऊ वाणिज्यिक संबंध ल बढ़ावा देहे बर तुर्की के व्यापारिक संगठन के प्रतिनिधि मण्डल के छत्तीसगढ़ भेजे अऊ छत्तीसगढ़ अऊ तुर्की के व्यापारिक संगठन के कार्यशाला के आयोजन के प्रस्ताव म सहमति दीन। मुख्यमंत्री हर भारत अऊ तुर्की के बीच हजारों साल जुन्ना दोस्ताना संबंध ल याद करे गीस। श्री युल्टास हर कहिस कि प्रधानमंत्री श्री नरेंद्र मोदी के तुर्की के दौरा के बाद दुनों देश के संबंध अऊ मजबूत होए हे। श्री युल्टॉस हर मुख्यमंत्री से चर्चा के समय छत्तीसगढ़ मं खाद्य प्रसंस्करण, पर्यटन अऊ निर्माण के क्षेत्र मं सहयोग के इच्छा प्रकट करिन। मुख्यमंत्री हर ऊंखर ए प्रस्ताव के स्वागत करिस।
डॉ सिंह हर ओ मन ल बताइन कि प्रदेश के नवा राजधानी नया रायपुर विकसित करे जात हे, जेमां निर्माण क्षेत्र मं निवेश के काफी संभावना हे। मुख्यमंत्री हर खाद्य प्रसंस्करण सहित प्रदेश मं कई उद्योग मन के विकास के संभावना मन के बारे मं विस्तार से जानकारी दीन। डॉ सिंह हर छत्तीसगढ़ मं कई क्षेत्र मन मं सहयोग के संभावना के अध्ययन बर तुर्की से व्यापारिक संगठन मन के प्रतिनिधि मंडल भेजे के सुझाव दीन। मुख्यमंत्री हर कहिस कि तुर्की मं आतंकवाद के जइसन छत्तीसगढ़ घलोक नक्सल आतंक के सामना करत हे। चुनौती मन के बीच छत्तीसगढ़ हर देश के तेजी से विकसित होत राज्य के पहिचान बनाए मं सफलता पाय हे।
ए अवसर म उद्योग अऊ वाणिज्य विभाग के अपर मुख्यसचिव श्री एन बैजेंद्र कुमार, उद्योग विभाग के सचिव श्री ए. के. भट्ट, संचालक जनसम्पर्क श्री राजेश सुकुमार टोप्पो, मुख्यमंत्री के संयुक्त सचिव श्री मुकेश बंसल अऊ विशेष कर्तव्यस्थ अधिकारी श्री विक्रम सिसोदिया घलोक उपस्थित रहिन। हैदराबाद स्थित तुर्की के कांसुलेट जनरल श्री युल्टॉस छत्तीसगढ़ के चार दिवसीय प्रवास म रायपुर आए हे। आज ओ मन उद्योग मंत्री श्री अमर अग्रवाल, पर्यटन अउ संस्कृति मंत्री श्री दयाल दास बघेल अऊ कृषि मंत्री श्री बृजमोहन अग्रवाल ले मुलाकात करहीं। काल उंखर क्रेडाई अऊ आन कई व्यापारिक संगठन मन के प्रतिनिधि मंडल ले मिले के कार्यक्रम हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment