मुख्यमंत्री सामिल होइन नवा DSP मन के दीक्षांत परेड समारोह मा

कम्पोजिट ए सर्विस ट्रेनिंग सेन्टर के घोषणा

रायपुर, 27 जून 2017। मुख्यमंत्री डॉ. रमन सिंह हर आज बिहनिया राजधानी रायपुर के नजदीक छत्तीसगढ़ राज्य पुलिस अकादमी चंदखुरी मा राज्य पुलिस सेवा संवर्ग के प्रशिक्षित उप पुलिस अधीक्षक मन के दीक्षांत समारोह मा सामिल होइन। उमन परेड के सलामी लीन। मुख्यमंत्री ह ए अवसर मा राज्य पुलिस अकादमी मा 'कम्पोजिट ए सर्विस ट्रेनिंग सेन्टर' के स्थापना के घोषणा करिन। डॉ. सिंह ह प्रशिक्षण लेके कार्यक्षेत्र मा जात नवा उप पुलिस अधीक्षक मन ला प्रमाण-पत्र प्रदान करत बधाई अउ शुभकामना दीन। ए अवसर मा गृहमंत्री श्री रामसेवक पैकरा, रायपुर के लोकसभा सांसद श्री रमेश बैस, गृह विभाग के संसदीय सचिव श्री लाभचंद बाफना, आरंग के विधायक श्री नवीन मारकण्डेय अउ प्रदेश के पुलिस महानिदेशक श्री ए.एन.उपाध्याय घलोक उपस्थित रहिन।
मुख्य अतिथि के आसंदी ले दीक्षांत परेड समारोह ला सम्बोधित करत मुख्यमंत्री डॉ. सिंह हर कहिन- समाज, राज्य अउ देश के आतंरिक सुरक्षा मा पुलिस बल के भूमिका बहुत महत्वपूर्ण होथे। डॉ. सिंह ह उम्मीद जताईन कि इहां देहे गए प्रशिक्षण ले पुलिस बल के अधिकारी आगू हर चुनौती ले निपटने मा सक्षम होहीं अउ अपन दायित्व मन के बेहतर ढंग ले निर्वहन करहीं। गृहमंत्री श्री रामसेवक पैकरा अउ पुलिस महानिदेशक श्री ए.एन.उपाध्याय हर घलोक दीक्षांत परेड समारोह ल सम्बोधित करिन। गृहमंत्री श्री पैकरा हर अपन उदबोधन मा कहिन कि मुख्यमंत्री डॉ. रमन सिंह के नेतृत्व मा राज्य मा जन-जीवन के सुरक्षा बर पुलिस बल ला सब्बो जरूरी संसाधन देहे जात हावय। पुलिस बल के संख्या 70 हजार ले अकतिहा हो गए हावय। प्रदेश के शांतिपूर्ण विकास मा पुलिस बल के घलोक योगदान उल्लेखनीय हावय। पुलिस महानिदेशक श्री ए.एन.उपाध्याय हर कहिन कि पुलिसिंग सही मा समाज सेवा अउ राष्ट्र सेवा आए। श्री उपाध्याय हर कहिन कि राज्य पुलिस के अधिकारी अउ जवान पूरा मुस्तैदी ले अपन दायित्व मन के निर्वहन करत हें।
राज्य पुलिस अकादमी के प्रभारी निदेशक श्रीमती सोनल व्ही.मिश्रा हर प्रतिवेदन मा बताइन कि अकादमी के छठवां सत्र मा जऊन 18 प्रशिक्षु उप पुलिस अधीक्षक मन के प्रशिक्षण अपरेल 2016 ले शुरू होय रहिस, वोमन आज मुख्यमंत्री के मुख्य आतिथ्य मा ऊंखर दीक्षांत परेड के संग पूरा हो गए। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment