आकाशवाणी ले ’रमन के गोठ’ के 23वां कड़ी


  • छत्तीसगढ़ म बीस जुलाई को प्रदेश व्यापी वृक्षारोपण समारोह
  • मुख्यमंत्री ह प्रदेशवासी मन ले करिस सामिल होए के अपील
  • ए बार खरीफ म 48 लाख हेक्टेयर म बोनी के लक्ष्य


रायपुर, 09 जुलाई 2017। मुख्यमंत्री डॉ. रमन सिंह ह प्रदेशवासी मन ले ए महीना के 20 तारीक के दिन हरियर छत्तीसगढ़ अभियान के तहत राज्य म आयोजित होवईया वृक्षारोपण समारोह मन म जादा ले जादा संख्या म सामिल होए के अपील करे हे। मुख्यमंत्री आज बिहनिया आकाशवाणी के रायपुर केन्द्र ले प्रसारित अपन मासिक रेडियो वार्ता ’रमन के गोठ’ के 23वां कड़ी म जनता ल सम्बोधित करत रहिन। उमन कहिन कि ए त्यौहार ल हम सब मिल-जुलके मनाबोन। ए साल राज्य म आठ करोड़ पौधा लगाय के लक्ष्य हे, जऊन ल पूरा करे बर 20 जुलाई ले विशेष अभियान के शुरूआत होही। लक्ष्य पूर्ति के संकल्प हम सब लेंबोन। 
मुख्यमंत्री ह कहिन - 20 जुलाई ले छत्तीसगढ़ के सबो जिला मन, तहसील, विकासखण्ड अऊ पंचायत मन म तिहार के रूप म वृक्षारोपण समारोह मनाए जाही। जिला कलेक्टर मन अऊ वन विभाग के अधिकारी मन ल एखर तैयारी के निर्देश जारी कर देहे गए हे। कहूं आप मन खुद के जमीन म या खेत म पेड़ लगाना चाहहू त ओखर बर घलोक पौधे देहे जाही। फलदार वृक्ष मन के पौधा घलोक देहे जाही। मुख्यमंत्री ह बारिश के मौसम ल ध्यान म रखत अपन आज के रेडियो वार्ता ल खेती-किसानी ले जुरे योजना मन उपर केन्द्रित रखिन। 
उमन कहिन -ए पइत खरीफ मौसम म प्रदेश म 48 लाख हेक्टेयर के रकबा म कई ठन फसल मन के बोनी के लक्ष्य हे। येमां ले 36 लाख 50 हजार हेक्टेयर म धान, चार लाख हेक्टेयर म दलहन, तीन लाख हेक्टेयर म तिलहन अऊ करीबन डेढ़ लाख हेक्टेयर म साग-सब्जी अउ गन्ना आदि के फसल लगाय के लक्ष्य हे। मुख्यमंत्री ह श्रोता मन ल बताइन कि राज्य म ए साल अनाज, दलहन-तिलहन अऊ साग-सब्जी आदि ल मिलाके 91 लाख 76 हजार मीटरिक टन फसल उत्पादन के अनुमान हे। मैं ईश्वर ले प्रार्थना करे हौं कि ये वाले लक्ष्य पूर्ण होवय अऊ अच्छा फसल ले किसान मन के घर खुसी के बरसात होवय। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment