एच.आई.वी. संक्रमित 289 मनखे मन ल कौशल प्रशिक्षण

रायपुर, 07 जुलाई 2017। राज्य सरकार एच.आई.वी. एड्स संक्रमित मनखे मन ल आत्मनिर्भर बनाए बर अभिनव पहल करत हे। स्वास्थ्य अउ कुटुंब कल्याण विभाग के अंतर्गत छत्तीसगढ़ राज्य एड्स नियंत्रण समिति से आन विभागीय योजना मन ले समन्वय कर संक्रमित मन ल क्षमता के अनुकुल कौशल प्रशिक्षण देहे जाथे। प्रदेश के 289 एचआईवी संक्रमित  मनखे मन ल कौशल प्रशिक्षण देहे जा चुके हे। योजना के तहत सिलाई, कम्प्यूटर, कारपेंटर, ब्यूटी पार्लर आदि म ले अपन रूचि अउ  क्षमता के मुताबिक प्रशिक्षण प्राप्त कर सकत हे। उल्लेखनीय हे कि स्वास्थ्य अऊ कुटुंब कल्याण मंत्री श्री अजय चन्द्राकर ह पाछू दिनन म समीक्षा बैठक के बेरा अधिकारी मन ल एच.आई.वी. संक्रमित मनखे मन के आजीविका बर ठोस कदम उठाए के निर्देश दीन। स्वास्थ्य विभाग के आयुक्त अऊ राष्ट्रीय स्वास्थ्य मिशन के संचालक श्री आर. प्रसन्ना ह आज इहां बताइन कि राज्य शहरी आजीविका मिशन के तहत सितंबर, 2016 ले एच.आई.वी. संक्रमित मनखे मन ल ओखर क्षमता मुताबिक कौशल प्रशिक्षण प्रदान कर रोजगार देवाए जाथे। उमन बताइन कि संक्रमित मनखे एआरटी (एन्टीरिट्रो वायरल) केन्द्र म अपन पंजीयन कार्ड के छायाप्रति अऊ शैक्षणिक योग्यता आदि प्रमाण पत्र जमा करके योजना के लाभ ले सकत हें।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment