राज्य म पांच शहर मन के 484 राशन दुकान मन म कोर-पीडीएस लागू


  • दू दिन म बीस हजार ले जादा कार्ड धारक मन ह लीन राशन
  • राशन कार्ड धारक मन ल अपन पसंद के दुकान ले राशन लेहे के सुविधा


रायपुर, 02 जुलाई 2017। सार्वजनिक वितरण प्रणाली के तहत राज्य के पांच शहर मन - रायपुर, दुर्ग, भिलाई, बिलासपुर अऊ धमतरी के 484 राशन दुकान मन म कल एक जुलाई ले कोर-पीडीएस लागू करे गए हे। ए योजना ले राशन कार्ड धारक मन ल अपन पंसद के दुकान ले राशन लेहे बर दुकान चयन करे के अधिकार देहे गए हे। ए शहर मन के राशन कार्ड धारक जऊन अपन आधार नम्बर अपन राशन कार्ड म जुड़वा डरे हें, ओ मन ल ये वाले सुविधा देहे जाही। ए व्यवस्था ले केवल ऑनलाईन राशन सामान के वितरण करे जात हे। खाद्य, नागरिक आपूर्ति अऊ उपभोक्ता संरक्षण विभाग के अधिकारी मन ह आज इहां बताइन कि पाछू दू दिन म 20 हजार 168 राशन कार्ड धारक मन ह कोर-पीडीएस ले राशन सामान पाप्त करे हें। ए पांच शहर मन म संचालित 484 शासकीय राशन दुकान मन ले दू लाख 85 हजार राशन कार्ड धारक जुड़े हें। अधिकारी मन ह बताइन कि दुर्ग शहर म तीन हजार 923, धमतरी म 785, बिलासपुर म दू हजार 433, भिलाई म छै हजार 828 अऊ रायपुर शहर म छै हजार 199 राशन कार्ड धारक मन राशन सामान प्राप्त करे हें। राशन कार्ड धारक मन ह ए सुविधा ल बहुत पसंद करत हें। खाद्य विभाग के अधिकारी मन ह सरलग कोर-पीडीएस दुकान मन के निरीक्षण करके कनेक्टिविटी या आन कोनो समस्या के समाधान करे जात हें।   
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment